• Ministra Finansas

Home » Kona ba Ministeriu » Ministra Finansas Imprime pájina

Ministra Finansas

Minister of Finance, Hon. Emilia Pires

Sua Eselénsia Emilia Pires, nomeada ba Ministra Finansas Timor-Leste iha 8 Agostu 2007  iha primeira koligasaun  Governu  iha lideransa Primeiru-Ministru Xanana Gusmão nian.

Sra. Pires, ema independente ida, eskollidu  tanba ninia formasaun téknika no nia esperiénsia globál, abilidade no koñesimentu prátiku iha planeamentu, jestaun finansa públika, dezenvolvimentu no ajudas. Koñesidu tanba implementa ajenda reformista ba Governu Gusmao nian, Sra Pires korporatiza Ministériu Finansas hodi habelar desentralizasaun hodi  hala’o lalais prestasaun servisu, loke dalan ba nasaun frájil no pos-konfiltu hodi ba husi kresimentu negativu ba kresimentu ekonómiku médiu iha tinan tolu halo Timor-Leste sai nu’udar sai hanesan nasaun sanulu ho kresimentu ekonomia lalais iha mundu entre 2008 no 2011.

Iha Sra. Pires nia lideransa, promove transparénsia no responsabilidade finanseira, nune’e mos hakbiit kapasidade institusional Ministériu Finansas iha área jestaun finanseira ne’ebe iha primeira liña husi ninia mandatu. Portal Transparénsia Timor-Leste, ne’ebe lansa iha hahú 2011, estabelese presedente globál ida ne’ebe permite ba públiku tama, avalia no analiza despeza Estadu nian iha  tempu real, fo posibilidade ba partisipasaun nasional no inkluzividade iha prosesu harii nasaun. Reforma ne’ebe hala’o kondúz ba redusaun husi paíz 19  husi Índise Persepsaun Korrupsaun Transparénsia Internasional no reforma impostu ne’ebe atinji mudansa aas liu iha klasifikasaun ba pozisaun hitunulu hodi globalmente alkansa top ruanulu iha Relatório Hala’o Bisnis 2009 nian.

Ho reforma, prosedimentu sistema foun no formasaun masisa ba ajente lokal, indikadór Timor-Leste nian iha kuadru hatudu melloramentu ho  aumentu iha kumprimentu obrigasaun fiskal, reseita, ezekusaun orsamentu ba persentil 90 no iha prestasaun servisu hodi tulun sira ne’ebe vulnerável liu iha Timor-Leste, liuhusi apoiu ba ministériu hodi desentraliza ho formasaun iha aprovizionamentu uza estratejia ne’ebé inovativu. Abordajen hotu-hotu husi Governu permite primeiru pagamentu pensaun ba idozu sira, veteranu, defisiente no orfaun; lori hikas ba fatin deslokadu internu besik 150.000, ka 15% husi populasaun, ho krize iha 2006 iha menus husi tinan rua; no planementu projetu servisu komunidade atu harii hikas nasaun iha distritu 13 tomak hodi revigora sektor privadu ne’ebe moris dadaun no hamenus dezempregu hanesan esforsu nasional ba harii dame no harii estadu.

To’o 2010, vizaun no asaun radikal Sra Pires nian ne’ebe fosai iha reforma ajudus nian simu rekoñesimentu internasional ho Timor-Leste mak lidera forum global inklui Diálogu Internasional kona-ba Harii Dame no Harii Estadu no nasaun sanuluresin hitu frájil no pos-konflitu iha g7+, reprezenta sidadaun millaun 350 ne’ebe vulnerável liu iha mundu.  g7 hanesan Fórum dahuluk iha istória hodi fó lian ida deit ba nasaun emerjente sira ne’ebe iha konflitu. Sra. Pires eskollidu ba sai primeiru Prezidente g7 nian no lidera reuniaun eventu ba dahuluk Xefe Estadu nian iha Simeira ODM 2010 (Objetivu Dezenvolvimentu Miléniu) iha Asembléia Jerál ho Prezidente Timor-Leste, Sua Eselénsia José Ramos-Horta.

Sra. Pires moos Ko-Prezide Diálogu Internasional ba Dame no Harii Estadu ho Olanda, ne’ebe foin dadaun asume husi Reinu Unidu. Agora hanesan orador xave ba Konferénsia importante kona-ba Efikásia ba Ajuda, Estadu Frájil, Reforma Finansiamentu Públiku no esperiénsia sai husi Post-Konflitu ho organizasaun global inklui, entre balun, ONU, Banku Mundial no Organizasaun ba Kooperasaun Ekonómika no Dezenvolvimentu (OKED). Iha 2001, Sra. Pires sai hanesan Ko-Autór ho atuál Prezidente  Repúblika, Sua Eselénsia José Ramos-Horta iha  “Oinsá Jere Makroekonomia iha Timor-Leste ne’ebe  Independente? Vizaun ida husi Timor Leste” publika iha Revista Finansas no Dezenvolvimentu FMI iha 2007, ho  Sr. Michael Francino, iha ” Propriedade Nasional noTutela Internasional: Kazu Timor-Leste nian “, publika iah Boyce James K. no Madalene O’Donnell (eds), iha Paz no Eráriu Públiku: Polítika Ekonómika ba Harii Estadu Pós-Guerra.

Ho grau Baxeleratu iha Matemátika (Estatístika) husi Universidade Latrobe, estudu pós-graduasaun iha Direito/Lei  Governu nian husi Universidade Melbourne, no Mestradu iha Siensia iha Jestaun Dezenvolvimentu husi London School ba Siensia Polítika no Ekonómika iha Reinu Unidu, Sra. Pires lori mai Timor-Leste esperiénsia liu tinan 25 iha jestaun no planeamentu komunitáriu no servisu dezenvolvimentu.

 Sra. Pires, refujiadu ida ne’ebe ba Australia depoisde 1975 hahú ninia karreira profisional ho tinan 22 hanesan funsionáriu públiku junior ho Governu Victoria, ne’ebe nia alkansa nível jestaun senior no kontinua asume pozisaun ho nivel aas ho organizasaun global inklui Banku Mundial hanesan Espesialista Senior ba Jestaun Ajudas nian iha West Bank no Gaza, ho Nasoens Unidas, iha Konselleiru Senior UNMISET ba Ministériu Planu no ho Xefe UNTAET husi Sekretaria Komisaun Planeamentu, nune’e moos sai hanesan Xefe Ajensia Planeamentu no Dezenvolvimentu Nasional (APDN).

Sra. Pires lidera prosesu planeamentu ba primeiru Planu Dezenvolvimentu Nasional Timor no Vizaun Timor Leste Vision iha 2020, no moos xefia Grupu Traballu UNDP hodi produz primeiru Relatóriu Dezenvolvimentu Umanu Nasional Timor Leste. Iha Abril 2005, Sra. Hetan konvite ba tur iha “Konsellu Konsultivu Azia Sudeste” George Soros nian, hodi fo kontribuisaun ba debate kona-ba kestaun pertinente ba dezenvolvimentu rejional.

Sra. Pires dedika ninia vida pesoal no profisional  uluk nanain, ba independénsia no tuir mai ba konsolidasaun República Demokátika Timor-Leste no sei kontinua atu kompromete nia vida servisu hodi promove Timor-Leste  no nasaun hirak ne’ebe sai husi frajilidade no konflitu.

Ba informasaun tan