• Eskritóriu Nasional Ordenador ka Autorizasaun nian

Home » Kona ba Ministeriu » Papel no Estrutura Organizasional » Private: Diresaun Nasional Efikásia Ajudas » Eskritóriu Nasional Ordenador ka Autorizasaun nian Imprime pájina

Eskritóriu Nasional Ordenador ka Autorizasaun nian

National Authorising Officer, Minister Emilia Pires and HE EC Commissioner Andris Piebalgs during the signing ceremony of the Financing Agreements of the 10th European Development Fund on 8 March 2011.

Eskritóriu Nasional Ordenador nian reprezenta operasoens hotu-hotu ne’ebé finansia ho Fundu Dezenvolvimentu Uniaun Europeia nian. 

Ami nia papel ho responsabilidades 

  • Prepara, submete no avalia projetus
  • Fó sai konvites ba abertura tender ka konkursu públiku lokal, simu propostas, nasionais no internasionais
  • Prezide ezaminsasaun ba propostas konkursu nian, estabelese rezultadus ezaminasoens ne’e nia, asina kontratus no riders (?) no aprova despezas
  • Hamoos no autoriza despezas
  • Halo adaptasoens ne’ebé presiza lori garante ezekusaun ne’ebé dia’k ba projetus
  • Sosa beins ka sasán iha merkadus lokais, no
  • Kontrata konsultores no espesialista ba asistênsia téknika. 

Fundu Dezenvolvimentu Europa nian no Timor-Leste 

Uniaun Europa nia ajuda ba Timor-Leste kanaliza liuhusi Fundu Dezenvolvimentu Europa nian.

Fundu ne’e hanesan Uniaun Europeia nia isntrumentu prinsipal lori fornese ajuda komunitária ba dezenvolvimentu iha Áfrika, Karíbia no Grupu Estadu Pasífiku. Timor-leste halo parte Grupu ACP ne’e, iha fulan Maiu 2003. 

Parlamentu Nasional Timor-Leste ratifika ona Akordu Cotonou, akordu parseria ida ne’ebé halo entre Estadus membrus Afrikanus, Karibia no Grupu Pasífiku (ACP) ho Uniaun Europeia no ninia Estadus membrus iha 19 Dezembru 2005. Akordu ne’e asina iha Cotonou, Benin iha fulan Junhu 2000 no halo revizaun iha 2005. 

Timor-Leste simu daudauk ona rekursus finanseirus husi 9º no 10º Fundu Dezenvolvimentu Europeu, ho valor total 99 milhões Eurus, sura husi tinan 2006 to’o 2013. 

Prioridades Funu ne’e nian

Foka liu ba iha:

  • Dezenvolvimentu rural ne’ebé sustentável
  • Kapasitasaun institusional, no
  • Saúde. 

10º Fundu Dezenvolvimentu Europeia kobre mos organizasoens naun-governamentais ho total osan 4 milhões Eurus. 

Papel Ordenador Nasional

Tuir prinsípius desentralizasaun, projetus hotu-hotu Estadu ida-ida mak implementa. Governu husi kada Estadu membru ACP tenke hili ninia Ordenador Nasional ida atu reprezenta nia iha operasoens hotu-hotu ne’ebé finansia husi Fundu ne’ebé refere. 

Fundu Dezenvolvimentu Europeu no Programa Rejional Pasífiku nian

Eskritóriu Ordenador Nasional jere mos Fundu Dezenvolvimentu Europeu ba Programa Rejional Pasifiku ne’ebé abranje projetus rejionais Pasífiku nian tomak ne’ebé finansia liuhusi Fundu Dezenvolvimentu Europeu. 

Iha fulan Maiu 2003, Timor-Leste sai hanesan 15º membru Grupu ACP nian. 

Programa rejional hala’o hamutuk entre Ordenador Rejional ne’ebé reprezenta Ordenadores Nasionais 15, ho Xefe Delegasaun ba Komisaun Europeia ba Pasífiku. 

Ordenador Nasional mak hanesan Sekretáriu-Jeral Sekretariadu Forum Ilhas Pasífikas nian. Ordenador Rejioanl responsabiliza ba despezas programa nian ba Ordenadores Nasionais ACP Pasífiku nian no ba Ordenador Xefe Komisaun Europeia nian. Maioria trabalhus Ordenador Rejional nian foka ba iha administrasaun programa Rejionais Pasífiku nian, taka ka enserra no avalia programas ne’ebé kompletu ona, no koordena no dezenvolve projetus foun. 

10º Programa Rejional Pasífiku ACP nian hetan envelope ho valor osan 95 milhões Eurus husi 2008-2013. Nia áreas fokais mak hanesan:

  • Integrasaun ekonómika rejional, 45m Eurus (Dezenvolvimentu rekursus umanus, indústrias xave no kapasidade komersial, arranjus komersiais no integrasaun iha ekonomia mundial) no
  • Jestaun sustentável ba rekursus naturais, 40 m Eurus: tulun rai atois ne’ebé nível tuun tanba bee tasi sa’e maka’as, kombate peskas ilegais no protesaun ba biodiversidade, importante ba turizmu.
  • Ordenador Rejional hanesan entidade kontratadu ida ba projetus rejionais. 

PALOP ho Timor-Leste

Eskritóriu Ordenador Nasional hanesan mos pontu fokal ba PALOP no Timor-Leste. Grupu paizes Afrikanus ho lian Portugêz, mak Angola, Kabu-Verde, Giné Bisau, Mosambike no Saun Tomé i Prínsipe, ne’ebé partilha identidade linguístika no kultural ne’ebé forte, sistema governasaun similar ka atu hanesan no tradisaun kontaktus ho interkâmbius ida ke naruk tebetebes entre sira. 

Ho Timor-Leste tama tan ba grupu ida ne’e iha 2007, paízes Afrikanus ne’ebé ko’alia Portugêz, sai belar liután husi Áfrika bá to’o iha rejiaun Ázia-Pasífiku no kooperasaun liuhusi Fundu Dezenvolvimentu Europa nian kobre paízes neen (6). 

Memorandu Entendimentu ida asina ona iha 2007 ne’ebé define enkuadramentu no extensaun parseria ne’ebé metin ho apoiu husi Fundu Dezenvolvimentu Europeu (Inisiativa Governasaun PALOP ho Timor-Leste), hodi reitera katak solidariedade buat ida ke importante la halimar lori garante sustentabilidade iha dezenvolvimentu ho objetivu kria kondisoens ba governasaun demokrátika. 

10º Fundu Dezenvolvimentu Europeu ne’e, hamutuk total osan 33.1 milhões Eurus, ne’e atu lori tulun projetus inisiativa governasaun iha paízes PALOP, inklui Timor-Leste. 

Dezde fulan Janeiru 2006, Mosambike sai hanesan “Ordenador Rejional” tuir Programas Indikativu Rejional nian.