• Isensan ba Sasaan Bainhira Halo Importasaun

Home » Alfandega » Isensaun Kona-ba Pagamentu ba Direitu » Isensan ba Sasaan Bainhira Halo Importasaun Imprime pájina

Isensan ba Sasaan Bainhira Halo Importasaun

Sasaan mak iha isensaun bainhira halo impostansaun maka:

 Remesa mak iha valor insignifikante

“Remesa mak iha valor insignifikante” maka sasaan maka la liu USD $10 (dollar sanulu) ba remesa ida-idak.

Remesa mak haruka husi individu ida ba individu seluk

Sasaan mak iha natureza naun-komersial, hanesan sasaan husi ema ida mak haruka no ema ida maka simu ne’ebe valor komersial la liu USD$50 (dollar limanulu) ba remesa ida-idak.

Estabelesimentu Publiku ka Utilidade Publiku ka organismu

Instrumentu sientifiku, objetu, dispozitivu no instrumentu seluk ne’ebe edukasional, kultural ka iha karakter pedagojika ba publiku ka estabelisimentu utilidade publika ka organizasaun, ne’ebe hetan benefisiu husi duty free desdeke entidade hirak ne’e iha rekoñesimentu legal no importasaun ne’e hetan autorizasaun husi Ministra Finansas, ka husi kualker delegadu seluk.

Investigasaun medikal, diagnostiku no tratamentu

Instrumentu no dispozitivu ne’ebe iha intensaun ba investigasaun medikal ka tratamentu medikal ne’ebe oferese gratuita husi organizasaun ho fins filantropiku ka husi individual ba organizasaun saude, ba servisu ne’ebe dependente ba ospital.

Ba reabilitasaun ba ema sira ne’ebe iha defisiensia vizual no ema seluk mak iha defisiensia

  • Objetu ne’ebe halo ba promosaun edukasional, sientifiku ka kultural ba ema ne’ebe iha difisiensia vizual hetan isensaun duty free, desdeke sasaan hirak ne’e hetan sertifikadu husi Ministeriu Saude.
  • Livru ka material hanesan Braille iha isensaun simplifikadu.
  • Objetu ne’ebe halo ba promosaun edukasional, sientifiku ka kultural ba ema ne’ebe iha difisiensia vizual.

Objetu ne’ebe atu haruka ba ema ne’ebe iha defisiensia

Objetu ne’ebe dezenvolve liu-liu ba edukasaun, empregu no promosaun sosial ba ema ne’ebe hetan dezafiu fizikamente no mentalmente, ne’ebe agora dadauk la iha defisiensia vizual, saida maka sira hatama bele admite hanesan duty-free.

Merkadoria ne’ebe haruka ba vitimas katastrofes

Sasaan ne’ebe distribui gratis ba vitima sira husi katastrofes mak akontese iha rai laran.

Kondekorasaun no rekompensa ne’ebe fo ba fin onrosa

  • Dekorasaun ne’ebe fo husi governu estranjeiru ba ema ne’ebe hela iha rai ne’e.
  • Tasa, medalla no objetu ne’ebe hanesan ho natureza simbolika, ne’ebe rai estranjeiru maka fo ba ema ne’ebe hela iha rai laran ein onra ba atividade ida ne’ebe dezenvolve iha area hanesan arte, siensia, desportu, servisu publiku, ka iha rekoñesimentu ba sira nia meritu durante okaziaun partikular ne’e no ema sira ne’e rasik mak halo importasaun ba sasaan hirak ne’e.

Publikasaun naun-komersial

Tuir mai, bele admite ho direitu importansaun duty-free, desdeke ke sasaan hirak ne’e iha ligasaun ho operasaun okazional, ne’ebe laiha kualker natureza komersial:

  • Prospektu, pamfletu, livru, revista, gia, mapa ka foto destinada ba promosaun kona-ba turizmu nasional.
  • Publikasaun husi governu estranjeiru no organizasaun internasional ba distribuisaun gratuita, hanesan mos ba dokumentu ne’ebe haruka gratuitamente ba servisu publiku.