• Isensaun ba Sasaan husi Impostu Importasaun

Home » Alfandega » Isensaun Kona-ba Pagamentu ba Direitu » Isensaun ba Sasaan husi Impostu Importasaun Imprime pájina

Isensaun ba Sasaan husi Impostu Importasaun

Produtu tuir mai hetan isensaun kona-ba impostu importasaun:

Karik sasaan mak akompana ema ida bainhira nia to’o iha Timor-Leste husi teritoriu seluk:

  • sigaru atus rua (200) no bebidas litru rua ho balu (2.5) ba ema ida, sujeitu ba impostu espesial
  • sasaan to’o valor USA$300 ho natureza naun-komersial, ne’ebe ba uzu pesoal ka uzu ba vijiante sira ka destinadu ba prezente, bainhira nia natureza no kualidade hatudu katak labele atu halo ho fins komersial
  • sasaan ho natureza naun-komersial, aleinde joia, ne’ebe destinadu ba uzu pesoal ka uzu viajante sira nian, no viajantes sira lori ba Timor-Leste liu husi bagajen akompañamentu ka iha viajante sira nia isin lolon
  • sasaan domestiku ne’ebe akompaña es-rezidente sira ne’ebe fila-fali ba Timor-leste hodi hela permanente

 Tipu importasaun:

  • isensaun tuir Konvensaun Viena kona-ba Relasaun Diplomatika 1961 no kona-ba Relasaun Konsular 1963
  • isensaun tuir termu Konvensaun kona-ba Privelejiu no Imunidade Nasoens Unidas nian
  • isensaun tuir termu Konvensaun kona-ba Previlejiu no Imunidade Ajensia Espesializada
  • Sasaan re-importadu ho kondisaun ne’ebe hanesan bainhira esportadu
  • Sasaan importadu husi organizasaun karidade ne’ebe rejistadu iha Timor-Leste, ekseptu alkool ka tabaku, karik sasaan hirak ne’e atu uza ho fins ba asistensia umanitaria no ba edukasaun no saude
  • Sasaan ba admisaun temporariu, hanesan makinaria boot ba ramata projektu ida. Importador tenki fo garantia finanseira ida
  • Sasaan ba konsumu funsionariu internasional UNMIT nian ka membru Forsa Manutensaun ba Paz husi paizes kontijente, karik sasaan hira ne’e faan tuir konformidade ho regras faan nian ne’ebe hakerek tiha ona
  • Formula bebe sira nian ne’ebe projektadu liu-liu ba bebe sira ne’ebe menuske tinan 1 (ida), hodi hanesan ne’e, bainhira halo preparasaun, bebe sira konsume tuir forma likida no bebe sira sei hetan benefisiu saude hanesan hemu susuben husi sira nia inan
  • Tampaun no obsorvente ijieniku

 Sasaan maka la hakerek iha paragrufu uluk karik:

  • Sasaan importadu ba Timor-Leste ne’ebe hanesan ba uzu pesoal hodi akompaña viajante, no
  • Direitu importasaun mak impostu ba importansaun karik la’os tanba paragrafu ida ne’e devia US$10 ka menus.