• Impostu Rendimentu ba Salariu

Home » Impostu » Impostu ba Renda » Impostu Rendimentu ba Salariu Imprime pájina

Impostu Rendimentu ba Salariu

Impostu ida ne’e hasai husi salariu ne’ebe selu ba empregadu sira no selu ba Reseitas Timor-Leste husi empregador. 

Empregador sira maka responsavel fo informasaun kona-ba sira nia empregadu Impostu Rendimentu Salariu ne’ebe sira koa husi empregadu sira nia salariu. 

Empregador sira bele husu informasaun ida ne’e husi sira nia empregador, bainhira tinan fiskal ramata bainhira presiza ka bainhira sira ramata sira nia serbisu. 

Rezidente 

Montante impostu ba rendimentu salariu ba rezidentes Timor-Leste bele kalkula husi tabela hanesan tuir mai: 

Tributavel mensal Salariu Taxa impostu
0 – $500 0%
Liu $500 10% husi montante liu $500

 Rezidente ema ne’ebe: 

  • hela iha Timor-Leste ba periudu desde, ka periudu ho montante total loron atus ida ualu-nulu resin tolu (183) iha kualker periudu iha fulan sanulu resin rua nia laran ka ramata iha tinan ida, anuanser fatin permanente ba ema rezidente ne’e la’os iha Timor-Leste, ka
  • Funsionariu Governu Republika Demokratika Timor-Leste mak hela iha tasi-balu, iha kualker momentu durante tinan ida. 

Naun-Rezidente

Salariu ne’e selu ba empregadu sira ne’ebe naun-rezidente iha Timor-Leste selu impostu fiksu 10% husi sira nia salariu mensal total. 

Laiha limite ba isensaun impostu ba naun-rezidentes. 

Halo nu’usa selun impostu kona-ba salariu 

Impostu rendimentu ba salariu selu fulan-fulan. 

Impostu tenki selu to’o loron 15 fulan-fulan hafoin fulan ne’ebe ramata, hasain osan ba selu impostu rendimentu husi empregadu nia salariu. Porezemplu, impostu ba salariu fulan Janeiru, sei selu iha fulan Fevereiru molok loron 15. Haree Halo nu’usa selu impostu

Empregador sira presiza kompleta kopia 3 kona-ba Formulariu Impostu Mensal no entrega formulariu ne’e no deskonta Impostu Rendimentu Salariu (no kualker pagamentu ba impostu seluk) ba ajensia Banku Nasional Ultramarinu (BNU). Haree Halo nu’usa selu impostu ba informasaun tan.

Formulariu Impostu Rendaimentu Salariu ba Empregador

Karik ita boot selu salariu ba ita boot nia empregadu sira durante tinan tomak ka sorin, ita boot tenki hatama tinan-tinan Formulariu Impostu Rendimentu Salariu Retidu ba Empregador

Kompleta formulariu ne’e bainhira tinan finansial ramata no hafoin reduz pagamentu ba periudu ikus nian. 

Formulariu ida ne’e, hamutuk ho pagamentu sira seluk, tenki halo to’o loron 31 Marsu bainhira tinan fiskal ramata. Karik loron ida ne’e monu iha fin-de-semana ka feriadu, formulariu no pagamentu bele halo loron serbisu tuir mai. 

Karik ita boot presiza halo pagamentu ida, aprezenta kopia 3 husi formulariu ne’e ho pagamentu ba ajensia BNU. Haree Halo nu’usa selu impostu ba detalle tan. 

Formulariu

Pamfletu no Gia