• Ministériu Finansas no Banku Mundiál lansa Relatóriu Despeza Públiku 2021

Home » Announcements » Ministériu Finansas no Banku Mundiál lansa Relatóriu Despeza Públiku 2021 Print Page

Ministériu Finansas no Banku Mundiál lansa Relatóriu Despeza Públiku 2021

Díli, 9 novembru 2021 – Ministru Finansas, Rui A. Gomes no Reprezentante Banku Mundiál iha Timor-Leste, Bernard Harborne, ohin dadeer, ofisialmente lansa ona Relatóriu Revizaun Despeza Públiku 2021 (ka koñesidu iha lian Inglés, 𝑃𝑢𝑏𝑙𝑖𝑐 𝐸𝑥𝑝𝑒𝑛𝑑𝑖𝑡𝑢𝑟𝑒 𝑅𝑒𝑣𝑖𝑒𝑤).

𝐃𝐞𝐬𝐤𝐨𝐛𝐫𝐞𝐦𝐞𝐧𝐭𝐮 𝐏𝐫𝐢𝐧𝐬𝐢𝐩𝐚́𝐥-𝐬𝐢𝐫𝐚 𝐡𝐮𝐬𝐢 𝐓𝐋-𝐏𝐄𝐑 𝟐𝟎𝟐𝟏

Iha Timor-Leste, kresimentu ekonómiku monu iha tinan sanulu ikus. Padraun moris mellora ona maibé la’ós benefisia ema hotu-hotu. Ekonomia Timor-Leste hetan suporta ida ne’ebe forte husi despeza públiku, maibé la-sustentável; aas liu iha mundu – kuaze 90% husi Produtu Interna Brutu (PIB). Despeza Governu aas maibé rendimentu husi taxa ki’ik (kuaze 7% husi PIB) rezulta defise orsamentu boot, ne’ebé ameasa sustentabilidade fiskál. Tanba ne’e, presiza reforma atu hasa’e reseitas doméstiku atu nune’e Timor-Leste bele hetan fontes despeza no investimentu nesesáriu hodi alkanse país nia metas dezenvolvimentu. Importante atu hadi’ak kualidade no efisiénsia despeza públiku iha setór Saúde no Edukasaun hodi mellora servisus no hasa’e rezultadu aprendizajen. Forsa traballu ida saudável, iha abilidade no edukadu mak krítiku ba futuru prosperidade Timor-Leste nian.

PER mak Banku Mundiál nia instrumentu ida ne’ebé haree ba situasaun finansa nasaun nian. Revizaun ne’e hatudu karik país ida gasta ninia osan ho prudente ba servisus no infraestrutura; karik sira hetan rezultadu ne’ebé di’ak husi investimentu hirak ne’e; no karik despezas Governu aliña ho ninia metas dezenvolvimentu. ***