• Enkontru ba dala 9 PSC (Project Steering Committee)

Home » Anúnsiu » Enkontru ba dala 9 PSC (Project Steering Committee) Imprime pájina

Enkontru ba dala 9 PSC (Project Steering Committee)

20200121_Press Release on 9th PSC_photo

Ministériu Finansas liuhosi Autoridade Aduaneira (A.A) Timor-Leste no United Nations Conference on Trade and development (UNCTAD) ASYCUDA programa ba Asia, iha fulan-Janeiru loron 10 tinan 2020. Hala’o enkontru ba dala 9 ASYCUDA World Project Steering Committee (PSC) iha salaun konferensia ministériu nian. Enkontru refere, hanesan enkontru regular entre DJ Alfándega no ekipa projeitu UNCTAD ASYCUDA World. Normalmente kada kuartezia hala’o diskusaun ho Ministéru Finansas atu deskute kon-ba progresu projeitu nian no halo mitiga medida relevante ba susesu implementasaun projeitu no planu ba futuru nian. Enkontru komite ba Steering Committee kompostu hosi Ministra Finansas hanesan prezidente meja, Diretór Jerál Autoridade Aduaneira (A.A) hanesan Diretór ba Projeitu, Representate UNCTAD no Representate sira husi Unidade Ministériu Finansas uainhira nesesáriu.

Durante enkontru Steering Committee ba dala 9 ne’e, DJ Autoridade Aduaneira no Koordenadór Programa UNCTAD ASYCUDA apresenta progresu implementasaun projeitu nian no kestaun relevante sira ba susesu implementasaun projeitu. Iha aprezentasaun ne’e, DJ Autoridade Aduaneira subliña atividade bo’ot sira ne’ebé mak projeitu ne’e hala’o ona desde hahú no enkontru ikus PSC nian. Atividade importante balun presiza mensiona iha inkontru refere, inklui mós susesu ba implementasaun sistema ASYCUDA World iha Sentru Edifisiu Alfándega nian, hanesan Aeroportu Dili, Postu Fronteira sira hanesan Batugade no Salele. Hafoin susesu operasaun pilotu iha Portu Dili ne’ebé hahú iha tinan 2017, ho operasaun sistema sei nafatin kontinua ba iha tinan 2020. Diretór Jerál Autoridade Aduaneira mós subliña tan katak, projeitu automatizasaun kompleta ona prosesu apuramentu ne’ebé mak simplifikadu no efisiensia liu tan. Hanesan automatizasaun ba kustu interest fee 3% ba pagamentu ne’ebé mak tarde. Kalkulasaun automatikamente hosi sistema ASYCUDA World se importadór sira la selu taxa no dever sira iha loron 10 nia laran hafoin validasaun ba Dokumentu Aduaneira Úniku (DAU). Automatizasaun kustu 5% ba submete Deklarasaun Alfándega liuhosi loron 30 hafoin ró-ahi to’o mai.

Uza sistema halo simplifika ona prosesu apuramentu ba sasan sira tanba iha ona mudansa ba tempu prosesu nian husi oras 53.45% iha tinan 2015 to’o 6.48% iha 2018 ba validasaun DAU no halo pagamentu iha loron ne’ebé mak hanesan. Uza sistema mós ajuda Autoridade Aduaneira atinzi ona projeitu nia objetivu spesifiku atu redus ambiente uza surat tahan. Desde introdusaun sistema, importadór no deklarante sira la submete ona surat tahan hard-copies ba dokumentu kredensiál sira hanesan Certidão Dividas no Certificado Registo Comersiál no mós dokumentu sira seluk ba prosesu nian.

Representante sira UNCTAD iha ninia intervensaun subliña nesesidade atu iha suporta kontinuasaun ba projeitu ida-ne’e hosi governu ba nia atinjimentu no susesu sira ne’ebé mak projeitu iha. S.Exa. Vice-Ministra Finansas Sara Lobo Brites hato’o benvinda ba progresu no rezultadu sira-ne’ebé mak projeitu atinji tiha ona no husu para projeitu ida-ne’e atu kontinua servisu iha kordenasaun dia’k liu tan ho Ministériu no Autoridade Aduaneira. Hodi asegura mós projeitu nia objetivu sira. No fiar katak, sistema ne’e sei nafatin sai hanesan sentru ba servisu Alfándega nian postu projeitu sira.

Kona-ba Alfandega-Projeitu UNCTAD ASYCUDA World iha Timor-Leste

“Haforsa Prosesu Automatizadu Alfándega no Implementasaun sistema ASYCUDA World” projeitu asinadu ona entre Governu Timor-Leste (GTL) no Nasaun Unidas Konferensia Komersiu no Dezenvolvementu (UNCTAD) iha fulan-Julhu 2014. Instalasaun dahuluk hosi projeitu ne’e selu ona ba UNCTAD fundus ida iha fulan-Outubru 2014 no atividade projeitu sira hahu ona iha fulan-Janeiru tinan 2015.

Objetivu imediatamente hosi projeitu ne’e maka atu hasa’e efisiensia prosesu apuramentu Alfándega, atu hadi’a kontrolo impostu nian, ba instala sistema komputarizasaun ASYCUDA World no mós redus todan administrativu ba komunidade komersiu iha nivel minimu.

    Projeitu ne’e fahe ba komponente bo’ot rua, hanesan tuir mai:

  • Prosesu hadi’a, foku ba hasa’e prosesu no prosedimentu sira Alfándega nian no dokumentaun.
  • Upgrade teknolojia, involve implementasaun ba sistema ASYCUDA World
    Iha komponente bo’ot rua ne’e, rezultadu haat ne’ebé mak hetan:

  1. Harmonizasaun no reforsa prosesu apuramentu automatizasaun.
  2. Implementasaun sistema ASYCUDA no prosesu apuramentu automatizadu iha sentru servisu Alfándega nian.
  3. Implementasaun infrastrutura sistema ASYCUDA World no harii kapasidade Ekipa Projeitu Nasional nian.
  4. Sistema Integrasaun ho parte sistema terseiru nian.

Projeitu asina no implementa ona ho fraze susetivu tolu hanesan: Prototype, Pilot no Roll out.

Ba informasaun liu tan kona ba projeitu ne’e, halo favor kontaktu Sr. Zeca Amaral on 77425970 or email zamaral@mof.gov.tl