• A.A. Hetan Apoiu Tablet Ezaminasaun Fizíka 3 Hosi Ajénsia UNCTAD

Home » Announcements » A.A. Hetan Apoiu Tablet Ezaminasaun Fizíka 3 Hosi Ajénsia UNCTAD Print Page

A.A. Hetan Apoiu Tablet Ezaminasaun Fizíka 3 Hosi Ajénsia UNCTAD

Portu Dili Loron 25 Fulan-Fevereiru 2020- Autoridade Aduaneira (A.A.) hetan apoiu tablet Ezaminasaun Fizíka 3 hosi Ajénsia United Nations Conference On Trade And Development (UNCTAD) hodi fasilita ofisias autoridade aduaneira halo ezaminasaun fizíka ba merkadórias sira ne’ebé tama sai iha Portu Dili.

Tuir Diretór Operasaun Nasionál Autoridade Aduaneira (A.A.), Julião José Ximenes hateten ohin Autoridade Aduaneira hetan apoiu ekipamentu tablet ezaminasaun fizíka 3 hosi ajénsia UNCTAD ne’ebé maka servisu hamutuk ho parseiru sira hosi United States Agency for International Development (USAID). Utiliza tablet ida-ne’e, iha momentu ofisiais autoridade sira finaliza ezaminasaun fizíka nia rezultadu diretamente kedas iha sistema Asycuda World.

“Bainhira halo ezaminasaun, automatikamente sira halo kedas relatóriu no halo ajustamentu kedas iha sistema Asycuda World”.

Diretór ne’e esplika liutan katak, ida-ne’e hanesan primeira faze ne’ebé maka ajénsia sira oferese tablet ezaminasaun fizíka 3 mai Alfándega iha Portu Dili. Autoridade Aduaneira mós iha planu tau ona iha orsamentu jerál estadu ne’ebé maka iha. Maibé ho prezensa national projects sira ne’ebé iha, atu bele oferese tablet ezaminasaun fizíka 3 ne’ebé autoridade bele utiliza. Ida-ne’e faze primeiru no suficiente para sira bele utiliza, bainhira sira balun utiliza remata bele fó fali oficiais sira balun hetan nomiasaun atu halo ezaminasaun kontinua.

“Sasan sira-ne’e entrega ona mai estadu, i ha’u husu ba sira para bele asegura hanesan ita-nia rasik ona. Ekipamentu hirak ne’e la iha asesu hanesan facebook, telephone no buat sira seluk”.

Tablet ida-ne’e uainhira sira halo ezaminasaun fizíka hotu, automatikamente asesu diretamente iha kualker sistema Asycuda World. Iha ne’e bá tékniku sira mós automaticamente simu kedas relatóriu ezaminasaun fizíka hosi ofisiais sira.