• Operasaun ekipa konjunta prende kareta estadu 11

Home » Anúnsiu » Operasaun ekipa konjunta prende kareta estadu 11 Imprime pájina

Operasaun ekipa konjunta prende kareta estadu 11

Ministériu Finansas, liu-liu Direisaun Nasional Patrimôniu Estadu, ne’ebé hola parte iha ekipa konjunta ida ho suporta husi PNTL, halao “check point” ba kareta estadu nian.
“Check point” ne’e halao iha área Tasi-Tolu no Hera iha loron Domingu, 21 Setembru 2015, hahú husi tuku 6 loro-kraik to’o tuku 10 kalan.
Durante “check point” ne’e, ekipa konjunta priende kareta estadu hamutuk sanulu-resin-ida (11). Kareta hirak ne’e priende tamba laiha dokumentu kompletu, laiha karta autorizasaun movimentu no uza ba interese privadu.
Sr. Cipriano Pereira, funsiunáriu MF nian, ne’ebé hola parte mós iha ekipa konjunta ida ne’e hateten katak” prosesu tuir maka sira tenki selu multa no hafoin aprezenta tiha resibu pagamentu multa, maka MF entrega fali kareta hirak ne’e direitamente ba responsálve lojístika husi ministériu relevante sira”.
“Check point” ida ne’e hanesan parte ida husi implementasaun regulamentu governu nian ne’ebé bandu funsiunáriu públiku sira uza kareta estadu nian iha fim-da-semana no iha loron férias, ho esesaun ba sira ne’ebé hetan autorizasaun. Ida ne’e mós hanesan parte ida husi inisiativa governu nian hodi hamenus despeza supérfulu.