• AA Halo Destroisaun Ba Sasan ne’ebé Importa Husi ema Xineza

Home » Announcements » AA Halo Destroisaun Ba Sasan ne’ebé Importa Husi ema Xineza Print Page

AA Halo Destroisaun Ba Sasan ne’ebé Importa Husi ema Xineza

Diresaun Jerál Autoridade Aduaneira (AA) halo destroisaun ba sasan ne’ebé mak importa husi nasaun Xina ne’ebé la tuir prosedementu no regras AA nian katak Diretór Nasional Operasaun Aduaneira Julião José Ximenes ba Mídia Ministériu Planu no Finansas iha Sexta-Feira 19 Janeiru 2018 iha Fatin Soe Lixu, Tibar Munisípiu Likisa.

Nia informa tan, destroisaun sasan ne’ebé importa husi Xina ne’e mak hanesan sigaru elektrónika proébidu hamutuk 1400 pakotes ho nia líkuida (sigaru ben) hamutuk 2000, inklui mós terigu container rua hamutuk saku 2000.

“Destroisaun merkadoria hirak ne’e la tuir prosedementu no regras AA tanba wainhira funsionariu AA halo inspensaun fíziku mak hetan duni sigaru elektróniku ne’ebé proébidu tebes ba ita nia nasaun inklui mós terigu kontentores rua (2) ne’ebé mak nain abandona tanba problema internal entre kompañia no ajensia maske kompañia Lisun selu tiha ona taxa, destroisaun ne’e tuir Dekreto Lei anterior nu. 11/2004 no Dekreto lei nu. 11/2017 Kodigo Aduaneiro Timor-Leste, deklara Julião.

Nia subliña tan, sira halo destruisaun mós ba aimoruk hamutuk 221 item tanba latama iha dokumentus legal e aimoruk hirak ne’e mesak hakerek hotu ho lingua Xineza entaun oinsa mak Timor oan sira bele komprende wainhira fa’an iha merkadu.

“Ezemplo hanesan sigaru elektróniku ne’ebé Regime kontrolu Tabaco Dekretu Lei nu. 14/2016, husi Ministériu Saúde proébidu atu labele fa’an iha merkadu portantu bazeia ba regras ami mós hetan parecer husi legal katak sasan sira ne’e proébidu entaun ami konvida Ministériu Saúde Karantina, Meu ambiente, AIFAESA no instituisaun sira seluk hodi halo destruisaun iha Lixu fatin Tibar ne’e,” haktuir Julião.