• Abertura Formasaun Faze II Kona-ba Kontabilidade No Preparasaun Relatóriu Finanseiru Anuál Ba Ajénsia Publika Autónoma (APA) Sira Iha Loron 9, Fulan-Marsu, Tinan 2020

Home » Announcements » Abertura Formasaun Faze II Kona-ba Kontabilidade No Preparasaun Relatóriu Finanseiru Anuál Ba Ajénsia Publika Autónoma (APA) Sira Iha Loron 9, Fulan-Marsu, Tinan 2020 Print Page

Abertura Formasaun Faze II Kona-ba Kontabilidade No Preparasaun Relatóriu Finanseiru Anuál Ba Ajénsia Publika Autónoma (APA) Sira Iha Loron 9, Fulan-Marsu, Tinan 2020

Iha horas 9.30 dader, Ministériu Finansas – Diresaun Jerál Tesouro hala’o Abertura ba Formasaun Faze II kona-ba Kontabilidade no Preparasaun Relatóriu Finanseiru Anuál ba ofisiais finansas hosi Ajénsia Publika Autónoma nain rua nulu (20) ne’ebé sei fahe ba grupu 2 ho durasaun tempu formasaun semana ida ba kada grupu.

Ministra Finansas Interina, Sara Lobo Brites wainhira presidi abertura, hato’o katak objektivu hosi formasaun ne’e atu prepara Dirijentes no Ofisiais Finansas Kada Ajensia Publika Autónoma hodi iha koñesimentu adekuadu iha âmbitu preparasaun relatóriu finanseiru anuál tinan 2019 ba Parlamentu Nasionál no Kamara de Kontas hodi kumpre rekisisitus iha Konstituisaun RDTL nomós Lei Orsamentu no jestaun Finanseira. Para alem-de rekisitus iha Lei hanesan Ajénsia Publika Autónoma ne’ebé goza autónomia administrativa no finanseira iha obrigasaun atu presta konta kada tinan hodi responsabiliza ba gastus rekursu públiku, nomós promove boa-governasaun no transparênsia fiskal.

Formasaun Kontabilidade no Preparasaun Relatóriu Finanseiru Anuál ne’e nu’udar pilar ikus husi pilar haat Jestaun Finansas Publika ne’ebé importante hanesan Mobilizasaun Rekursu Finanseiru, Alokasaun Orsamentu, Ezekusaun orsamentu no ikusliu Relatóriu Prestasaun Kontas.

Espektativa husi rezultadu formasaun ne’e maka, APA nain rua nulu, iha tinan ida-ne’e nia laran idak-idak sei prepara rasik sira nia Relatóriu Finanseiru Anuál tinan 2019 no tenki submete mai DGT – MdF iha findu Abril 2020 hodi DGT halo revizaun molok apresenta ba Kamara de Kontas iha loron 31 Maiu tinan 2020.

Relatóriu hosi APA sira sei konsolida mós iha Relatóriu Finanseiru Konta Jerál Estadu tinan 2019 no submete ba Parlamentu Nasion’al ho Tribunál de Rekursu iha loron 31 fulan-Jullu 2020.
Abertura formasaun refere realiaza iha Auditorium- MF no marka presensa hosi Dirijentes Maximu APAs, Ajentes finansas no Dirijentes hosi MF.
Fin.