• ADB Kontinua Apoia Timor-Leste

Home » Anúnsiu » ADB Kontinua Apoia Timor-Leste Imprime pájina

ADB Kontinua Apoia Timor-Leste

20190910_ADB KONTINUA APOIA TIMOR

Unidade Jestaun Parserias ba Dezenvolvimentu (UGPD) Ministériu Finansas ne’ebé lidera hosi Diretor Jeral UGPD Antonio Freitas, hamutuk ho liña Ministériu iha VIII Governu Konstitusionál hanesan Ministériu Agrikultura no Peska ne’ebe reprezenta hosi Sekretariu Jeral. Cesar da Cruz, Ministériu Obras Públika reprezenta hosi Diretor Jeral Água no Saneamentu Gustavo da Cruz , Ministériu Transportes no Telekomunikasaun reprezenta hosi Thomas da Silva inklui mos reprezentante hosi Ministériu Edukasaun, Desportu no Juventude, Ministériu Reforma Lejislativa no Asuntus Parlamentáris, Ministériu Planeamentu no Investimentu Estratéjiku hamutuk ho Banku Aziátiku ba Dezenvolvimentu (ADB) iha loron sexta-feira 6 Setembru 2019, halo reuniaun koordenasaun ba konfirmasaun ajudas esterna ba Timor – Leste tinan 2020-2022 dentru misaun ADB ne’ebe lidera hosi Paolo Spantigati, Country Director ADB ba Timor- Leste iha Edifísiu Ministériu Finansas, Aitarak Laran.

“Enkontru refere atu revê no halo konfirmasaun ba ajudu esterna (lending and non lending assitance) husi Banku Aziátiku ba Dezenvolvimentu liuhosi ajudas esternas ne’ebé ho modalidade Grant no empréstimu ne’ebé define ona ba tinan 2020 no 2022” Tenik Diretor Jeral UGPD/DPMU, António Freitas.

Banku Aziátiku ba Dezenvolvimentu nu’udar instituisaun finanseira hodi fo asistênsia ba pais membrus no parseirus sira liu hosi fornese empréstimus, apoiu asistênsia téknika, doasoens no investimentu kapital hodi promove dezenvolvimentu sosial – ekonómiku.

“Enkontru ida ne’e realiza hodi halo ajustamentu ba liña Ministériu sira nia nesesidade no tenke tuir Politika Ajudas Esterna ne’ebé ofisialmente lansa iha loron 4 Jullu 2019” hateten Helder Lopes, Asessor Prinsipal Ministériu Finansas.

Timor-Leste sai membru ADB iha tinan 2002, depois pais ne’e restaura independênsia iha loron 20 Maiu 2002.