• Alfándega Komemora Tinan 20 Nia Ezistensia Iha TLS

Home » Announcements » Alfándega Komemora Tinan 20 Nia Ezistensia Iha TLS Print Page

Alfándega Komemora Tinan 20 Nia Ezistensia Iha TLS

Aportil Loron 28 Fulan-Janeiru 2020- Alfandega komemora tinan 20 nia ezistensia iha Timor-Leste ho lema “Alfandega Maka Promove Sustentabilidade Ba Prosperioridade no Ba Planeta”.

Tuir Ministra Finansas i Atual Vise Ministra Finansas Sara Lobo Brites hateten, Autoridade Aduaneira ka Alfándega ho slogam ida-ne’ebé maka mensiona iha leten ezize tebes Alfádega nia kontribuisaun ba futuru ida sustentavel atu nune’e nesesidade sosiais, ekonómikas, saude no ambientasis sai hanesan sentru ka fuan ba kada asaun hosi ita idak-idak iha tinan 2020. Alfándega hanesan instituisaun ida importante tebtebes no Alfándega iha mandatu eskluzivu ho pozisaun iha fronteiras ne’ebé dezempeña kna’ar ida importante tebes iha ita-bo’ot sira.

“Hanesan parte hosi membru organizasaun mundiál Alfándega iha oportunidade atu hatudu ita-bo’ot sira-nia esforsus no atividades iha dominiu ida-ne’e servisu ho dedikasaun no responsabilidade hodi bele garante futuru ida sustentavel no inkluzivu ba hotu-hotu”.


Purtantu ho komemorasaun tinan 20 ida-ne’e, fo opportunidade atu ita refleta tema ne’ebé Oganizasaun Mundiál Alfándega (OMA) defini ba tinan 2020 nian. Alfándega Timor-Leste iha kontestu uza Sistema ASYCUDA World hodi Fasilita Komérsiu, Simplifika Prosesu, Fasilita Kontrolu, Redus Tempu, Garante Trasparansia no Arekada Reseitas.

Iha kontestu ida-ne’e kontribuisaun Alfándega ba sustentabilidade no ha’u bele fó exemplu hanesan tuir mai, servi ba povu no harii sosiedade ida protezidu no seguru. Alfándega iha papel ida kritikus ba iha implementasaun regulamentus ne’ebé aborda sobre prinsipais dezafius sosiais i ekonómikas ne’ebé sosidade sira hotu iha mundu tomak infrenta hela.

Alfándega halo protesaun ba mekadoria sira-ne’ebé tama iha rai laran no buka esforsu kontra krimi organizada tranjaksionál drogas, armas, brankeamentu kapitais no krimi sira seluk hodi kontra regulamentasaun hodi tama iha ita nia rai ka merkadoria lokál.

“Aktu sira ne’ebé ita-bo’ot sira halo bele garantia komersiu internasionál no fó apoiu ba sosiedade i garantia ekonómia ida prosperu sustentavel no reziliente”.

Ministra mós informa liutan katak, Alfándega halo melloria no efikasia iha fronteiras sei kontribui ba konpetividade hosi operadores komersiais sira katak Alfándega kontribui atu fortalese governasaun no estabilidade. Uainhira opta asaun ne’ebé foti kontra fraude komersias ita bele mós garantia ba governu atu iha kbiit kona-ba reseitas hodi finansia fali infraestrutura no servisu publiku sira.

“Iha kontestu ambientál proteze ita-nia rai no garantia ba ita-nia jerasaun vindouras ou futuras jerasoens”.

Alfándega bele kontribui liu hosi luta kontra mudansa klimatikas hodi fornese sustentabilidade ambientál hodi fó apoiu ba implementasaun efetiva hosi akordus oin-oin ne’ebé maka ligadu ho ambientais multilaterais.

Alfándega bele garante kolesaun efetivas ba impostu espesiais kona-ba impostus i kargu ninian. Dimenoens hosi sustentabilidade maka sei aumenta sustenta kontribuisaun hosi Alfándega nian atu bele alkansa Objetivu Dezenvolvimentu Sustentavel (ODS) nian iha ajendaNasoens Unidas ne’ebé maka aliña ho ita-nia planu estrateziku dezenvolvimentu 2019 atu iha dezenvolvimentu sustentavel iha 2030.

Iha sorin seluk, Diretór Jerál Alfándega José António Fátima Abilio reforsa tan katak, Objetivu prinsipál hosi sorumotu ida-ne’e hakarak atu build ita-nia komunikasaun relasaun entre instituisaun sira ne’ebé servisu iha portu. Hanesan ita hatene katak servisu iha Portu ne’e involve instituisaun barak ne’ebé dala barak iha komunikasaun relasiona ho enkontru formál maibé ita haluha tiha iha enkontru informal sira. Liuhosi meius ida apropriadu liu ka efikasia para ita atu build relasaun komunikasaun ho ita-nia parseiru no kolega institusaun sira ne’ebé maka ita servisu hamutuk.

“Liuhosi komunikasaun informál ne’e ajuda tebes ita bainhira ita halo kna’ar hanesan funsionáriu públiku ka hanesan servidór estadu ou servidór povu para bele alkansa ita-nia objetivu tuir idak-idak nia instituisaun bazei ba kna’ar ne’ebé hatuur ona”.


Ita ko’alia kona-ba Alfándega katak tinan 20 embora joven maibé joven ida-ne’ebé tama faze ida intelektuál. Faze ida-ne’e ita-bele senti ona no hatene saida maka halo ona ba kotuk no saida maka hau presiza halo ba oin. Klaru katak servisu barak maka ita halo ona maibé ha’u hakarak subliña balun de’it se karik ita hotu-hotu akompaña no hala’o kna’ar ne’e ho seriedade, responsabilidade, onestidade, integridade para bele alkansa objetivu bo’ot liu-liu hodi proteze fronteiras no rekada reseitas i mós fasilita komérsiu.

“Tanba ne’e, liuhosi refleksaun ida-ne’e refleta mós ba kotuk i hanoin oinsa ba oin ne’e ita la’o ba oin ho dalan ida klaru ho serteja”

Sistema ASYCUDA depois de 2015 implementa ita konsege konklui ona 31 Dezembru 2019. Hosi implementasaun ne’e ita konsege duni metas objetivus sira-ne’ebé estabele tiha ona tuir kontratu ne’ebé asina. Liga ho prosesu des-Alfándegamentu ita haree katak sistema ba dokumentasaun sira ita submete elektronikamente ita konsege redus tempu, minimiza suratahan. Ida-ne’e hotu hatudu progresu ne’ebé durante ne’e ita alkansa maibé dalaruma ita la senti progresu ne’e hanesan ohin hau hateten.

“Agora daun-daun ita tama iha 2020 ita loke fali no fó pasu foun ida ba implementasaun Janela Únika ne’e dejafiu ida fali mai ita”.

Janela Únika hanesan projetu ida-ne’ebé ambisiuju tebes maibé presija servisu makas hosi ita hotu, no ita hotu tenki senti ita hotu hola parte ou rasa memiliki ba idak-idak nia kna’ar para bele alkansa objetivu tau ona iha projetu Janela Únika. Klaru katak komunikasaun hosi aduaneira sira seluk sei intensive liutan, komunikasaun sei la ho suratahan maibé sei ho elektronikamente tanba ita uza ona sistema elektronika. Dalabarak komunikasaun sira ne’e ezizi lian English tanba ita deal ho nasaun sira selu-seluk.

Hau hanoin importante tebes ba ita para aleinde ita dedika a’an ba servisu maibé ita idak-idak esforsa ita-nia an para kapasita ita-nia a’an rasik liuhosi meus oin-oin hanesan internet material barak ne’ebé fornese iha website WCO nian.