• Alfandega Prende Kareta ilegal 2 iha Portu Dili

Home » Announcements » Alfandega Prende Kareta ilegal 2 iha Portu Dili Print Page

Alfandega Prende Kareta ilegal 2 iha Portu Dili

IMG_1337.JPG1

Portu Dili (20/06/2017), Diresaun Geral Alfândegas liu husi Diresaun Nasional Gestaun Risku nian ho ekipa inspeksaun kareta halo inspeksaun ba kontentor no konsege detekta kareta ho marka Toyota Fortuner ida no Toyota Hilux ida iha kontentor laran ne’ebé mak la deklara lolos iha manifestu Ro’o nian.

Tuir Xefi Seksaun Gestaun Risku, Aureo da Cruz Belo hateten katak informasaun ne’ebé ami simu husi fontes dehan katak iha importasaun Motorizada mai husi Nasaun Malaysia,depois ami halo cross check ba Manifestu deklara katak iha Kontentor 40 (feet) laran ne’e iha mákina ka mesin motorijadu rua maibé, husi parte Diresaun Nasional Gestaun Risku deskonfia kontentor ne’e rasik no depois kontinua buka informasaun no to ikus ami konsege detekta katak iha kontentor laran ne’e laos sasan motorijadu maibe kareta.

Nia hatutan, ohin loron ida ne’e, ami hamutuk ho ekipa inspeksaun kareta liu husi Diresaun Nasional Gestaun Risku konsege loke kontentor ne’e no iha laran la’os makina maibé iha kareta rua ho marka Toyota Fortuner ida no Toyota Hilux ida, mais to agora kompañia nain rasik la marka prejensa iha ne’e tamba halo deklarasaun falsu hodi hatama kareta illegal.

Tuir lei Alfândega katak liu ona loron 30 maka kompañia nain la mai klaim ka halo indentifikasaun ba sasan entaun, ami husi Diresaun Nasional Gestaun Risku iha deréitu loke kontentor ne’e para ami bele identifika saida mak iha kontentor laran ne’e, esplika Aureo da Cruz.

Nain ba kontentor ne’e mak kompañia Titu Harmony Unipessol, LDA. Kareta rua ne’e hola husi Malaysia no agora daudaun tau hela iha Portu Dili hodi hein prosesu tuir mai.