• Alfândenga destroi sigaru kontentor 4 husi Kompaña ETT

Home » Announcements » Alfândenga destroi sigaru kontentor 4 husi Kompaña ETT Print Page

Alfândenga destroi sigaru kontentor 4 husi Kompaña ETT

Dili, Diresaun Geral Alfâdengas, hala’o destruisaun ba sigaru Marlboro hamutuk kontentor ha’at (4) husi kompaña East Timor Trading (ETT) iha area Beduku, Comoro, Sexta-Feira, 28 de 2017.

Tuir Coordenador Diresaun Nasional Comformidade Aduaneiro, Dionisio da Cruz Pereira hatete, sigaru ne’e rasik konsentrasaun TAR, Nikotina no Carbon Monoxida a’as liu no la tuir ona dekretu lei ne’ebe mai husi Ministériu Saúde. Tuir Dekretu Lei foun kontrola Tobacco nian, TAR 10 mg, Nikotina 1 no Carbon Monoxida 10 mg.

“Destroisaun ba sigaru sira ne’e inisiativa mai rasik husi Kompania East Timor Trading tamba la kondis ho Dekreto Lei Governu nian ne’ebe mak regula kona ba sirkulasaun tobacco iha merkado Timor-Leste,” hatutan Coordenador ne’e.

Nune’e mós husi parte Kompaña ETT nia advogada, Tereza Gracia André haktuir katak, sigaru ne’e rasik produz husi Kompaña Philip Morris Limited ne’ebe produz espesífiku ba nasaun Timor-Leste maibe, produsaun ba sigaru ne’e rasik halao antes dekretu lei ne’e vigor ou implementa iha Timor-Leste.

“ Tuir Dekretu Lei foun No.ᵒ 14/2016, 8 de Junho husi Ministériu Saúde katak, sigaru ne’ebe importa tama iha nasaun Timor-Leste tenki nia Nikotina 1 mg e labele liu, tanba ne’e kompaña kumpri ho sériu lei Timor nian,” haktuir advogada, Tereza Gracia André.

Tuir observasaun Media Ministériu Finansas, sigaru ne’ebé Diresaun Geral Alfândegas halo distruisaun hamutuk kontentor 4, kada kontentor ida iha total sigaru hamutuk kaixas 451 ho marka mak hanesan, Marlboro Red, Marlboro Gold Lights, Marlboro Black Menthol, A Mild Regular no U Mild Regular.

Wainhira halo destruisaun ba sigaru ne’e, hetan partisipasaun másimu husi kompaña ETT, Advogada husi kompaña Produsaun Sigaru Philip Morris Limited, Ministériu Komersiu, Industria no Meu Ambiente inklui mos Diresaun Geral Alfâdengas, Ministeriu das Finansas.