• Asina Akordo Direta ba Sub-Kontrator Konstrusaun no Emisaun Lisensa Ambiental ba Kompañia Timor Port S.A.

Home » Announcements » Asina Akordo Direta ba Sub-Kontrator Konstrusaun no Emisaun Lisensa Ambiental ba Kompañia Timor Port S.A. Print Page

Asina Akordo Direta ba Sub-Kontrator Konstrusaun no Emisaun Lisensa Ambiental ba Kompañia Timor Port S.A.

Primeiru Ministru VII Governu Konstitusional Timor-Leste, Marí Bim Amude Alkatiri, no Ministru Planu no Finansas, Rui A. Gomes asina akordo direta ba konstrusaun Portu Tibar nebe sei kaer husi China Harbour Timor Lda nudar sub-kontrator ba desenha no konstrusaun no operador, Timor Port S.A. Representante husi Concessionário (Timor Port) mak Diretur Timor Port S.A, no Representante Bollore ba rejiaun Asia Pasífico Eric Mancini no Diretur Presidente China Harbour Indonesia, Louis Liu iha Portu Baia Tibar, 15 Marsu 2018.

Ministru Planu no Finansas iha nia diskursu katak, emisaun lisensa ambiental signifika katak, obrigasaun husi parte governu kumpri ona no konstrusaun Portu Tibar bele hahu ona tanba dezenvolvimentu Portu Tibar nu’udar infrastrutura principal no parte intergardu husi parte dezenvolvimentu planu estratégiku 2011-2030 ho objetivu atu bele fasilita komersiu no promove dezenvolvimentu ekonómiku iha ita nia nasaun atu nune’e nasaun bele alkansa nivel rendimentu médiu altu iha tinan 2030.

“Investimentu kapital durante faze inisia konstrusaun portu ida ne’e hamutuk Dolares Amerikanu milliaun 270 no husi montante ida ne’e govenu aloka ona Dolares Amerikanu milaun 130 e restu seitor privadu mak responsabiliza. Tanba hare ba ita nian rekursu umanus no asesu teknológia ba portu tasi ne’ebé sei limitadu tebes, fiar metin katak, desizaun governu dahuluk buka dezenvolvimentu portu ida ne’e, liuhosi modalidade parseria públiku privada nu’udar desizaun ida ne’ebé diak. Parseiru privadu ne’ebé selesionado mak Bollore Group ne’ebé mós nu’udar operador ne’ebé koñesidu iha mundu,” haktuir Ministru Planu no Finansas.

Iha fatin hanesan Diretur Timor Port, Eric Mancini iha nia diskursu katak, agradese ba Governu Timor-Leste tanba hetan fiar atu halo konstrusaun ba Portu Tibar ne’ebé hetan ona lisensa ambiental husi governu Timor-Leste no sei hala’o konstrusaun ba Portu Tibar nian tanba portu ida ne’e finansia husi governu Timor-Leste no parseiru privadu.

Iha parte seluk Primeiru Ministru Marí Bin Amude Alkatiri hato’o iha nia diskursu katak, VII Governu ida ne’e hatutan deit Governu anterior (VI Governu konstitusional) hodi asumi responsabilidade asina kontratu direta ba konstrusaun no emisaun lisensa ambiental no sei akompaña ho atensaun tomak tanba ne’e hanesan investimentu bo’ot tebes ba ekonómia Timor-Leste. Tanba osan husi projeitu ida ne’e mai husi rekursus não renovaves, mai husi minarai no gas signifika investimentu tenki fo rezultadu ne’ebé diak.

Iha lansamentu refere, hetan partisipasaun másimu husi korpu diplomátiku, membru governu, sosidade sívil, empresariu Timor-oan, autoridade lokal no komunidade suku Tibar.