• Atualiza Polítika Funsaun Públika ba Autoridade Aduaneira

Home » Anúnsiu » Atualiza Polítika Funsaun Públika ba Autoridade Aduaneira Imprime pájina

Atualiza Polítika Funsaun Públika ba Autoridade Aduaneira

20181205_KFP Atualiza Polítika Fusaun Publika Ba Funsináriu Autoridade Aduaneira_Final1

Prezidente Komisaun Funsaun Públika hamutuk ho ekipa téknika KFP iha loron 3 Desembru 2018 halao programa sosializasaun polítika funsaun públika ba funsionárius Autoridade Aduaneria, iha salaun enkontru Autoridade Aduaneira, eis edifisiu Ministeriu Finansas Palácio Governu.

Autoridade Aduaneira nu’udar autoridade autonom ho nia kompetensia ne’ebé lahanesan ho instituisaun estadu sira seluk. Liuhosi programa ne’e, liderança sira bele hamosu planeamentu adekuada ho situasaun real ne’ebé oras ne’e akontese iha Autoridade ne’e

“Autoridade Aduaneira presiza tebes informasaun ne’ebé relevantes relasiona ho servisu funsaun públika . Tanba Autoridade Aduaneira iha ninia estatutu ketak. Prezensa Prezidente Komisaun Funsaun Públika ho ninia ekipa iha Autoridade Aduaneira ne’e opurtunu tebes ba ami”. tenik Diretor Jeral Interinu Julião Jose Ximenes durante sosializasaun programa ne’e.

Objetivu hosi programa ne’e atu bele hatan ba preokupasaun no dúvidas sira ne’ebé maka mosu iha funsionáriu Autoridade Aduaneria nian aumensmu tempu atu buka esklarese no informa hodi bele atualiza kona-ba politika sira ne’ebé la’o dau-daun iha ambitu funsaun públika ninian

Prezidente Komisaun Funsaun Públika Faustinho Cardoso iha ninia intervensaun durante realizasaun programa ne’e hateten “Observasaun hatudu katak enkontru ne’e pozitiva tebes tanba funsionariu hosi Autoridade Aduaneria kontenti ho enkontru refere. Sira mós akompaña no partisipa liuhosi pergunta sira ne’ebé maka iha ho espetativa makas atu hasa’e nafatin dezempeñu liuhosi esklaresimentu sira ne’ebé maka iha”.

Autoridade Aduaneira nu’udar instituisaun ne’ebé halao ninia servisu hodi buka reseitas ba estadu nomós atu bele fasilita komersiu hodi kontrolu no assegura fronteiras. Oras ne’e Autoridade Aduaneira iha funsioáriu kuaze 240 ne’ebé maka halao servisu iha Dili inklui munisipiu sira liu liu iha área fronteira.