• Autoridade Aduaneira halo Destruisaun ba Fardamento Militar

Home » Anúnsiu » Autoridade Aduaneira halo Destruisaun ba Fardamento Militar Imprime pájina

Autoridade Aduaneira halo Destruisaun ba Fardamento Militar

20190605_Autoridade Aduaneira halo Destruisaun ba Fardamento Militar 1

Autoridade Aduaneira hamutuk ho Ministériu Públiku halo destruisaun ba Farda Militar hirak ne’ebé viola regras no prosedimentu Autoridade Aduaneira, iha Fatin Soe Lixu, Tibar Munisípiu Liquica loron 4 Junu 2019.

Autoridade Aduaneira hetan autorizasaun hodi halo destruisaun ba sasan hirak ne’e liuhosi karta notifikasaun hosi Ministériu Públiku ne’ebe notifika iha fulan Maiu 2019 hodi bele destrui sasan hirak ne’e.
“Sasan hirak ne’e la deklara iha dokumentus no ida ne’e automatikamente vialo dekretu lei Autoridade Aduaneira”, haktuir Diretór Nasional Operasaun Autoridade Aduaneira Julião José Ximenes.

Julião José Ximenes subliña liu tan katak antes ne’e Autoridade Aduaneira halo koordenasaun ho instistuisaun ne’ebe kompetenti ba tipu sasan hirak ne’e hodi konfirma tuir dokumentus ne’ebe mak iha hodi nune’e Autoridade Aduaneira bele halo konfirmasaun ba tipu sasan hirak ne’e.

Sasan hirak ne’e Autoridade Aduaneira prende iha tinan 2014 tanba la deklara sai iha dokumentus importasaun nian mak hanesan Rompi Militar kor malahuk kaixa 5, musilla ( pasta modelu ransel) dos 4, Jaket mean 9 , Kamiza Liman naruk metan 10, Boina vermella 3, Aljemas, pistola no stik 10 inklui mos Kama burru 2.

Prosesu tomak kona-ba destruisaun sasan hirak ne’e hetan akompanamentu hosi Polísia Nasionál Timor Leste, Autoridade Munisípiu Dili no Ministériu Públiku.