• AUTORIDADE ADUANEIRA LANSA SLOGAN “SMART” IHA LORON ANIVERSÁRIU BA DALA –XIX.

Home » Anúnsiu » AUTORIDADE ADUANEIRA LANSA SLOGAN “SMART” IHA LORON ANIVERSÁRIU BA DALA –XIX. Imprime pájina

AUTORIDADE ADUANEIRA LANSA SLOGAN “SMART” IHA LORON ANIVERSÁRIU BA DALA –XIX.

Ohin, 28 Janeiru 2019, Autoridade Aduaneira (AA) selebra loron Aniversáriu ba dala XIX ho lansamentu Slogan “SMART – Specific Measurable, Achievable, Realistic and Timely”. Lansamentu ne’e lidera hosi Ministra Finansas en Ezersísiu e Vice-Ministra Sara Lobo Brites ne’ebé hetan mos prezensa hosi Komisariu Komisaun Funsaun Públiku (KFP), Antonio Freitas, Komisariu Komisaun Anti Korupsaun (KAK), Sergio Hornai no Diretúr Jéral Autoridade Aduaneira, José António Fatima Belo inklui funsionariu hosi Autoridade Aduaneira tomak.

Autoridade Aduaneira Timor Leste ezisti iha 28 Janeiru 2010 ho naran Diresaun Alfándegas no legalmente tama iha vigor no hahú halo nia funsaun iha 1 Outubru 2017 respetivamente hodi troka naran Diresaun Alfándegas ho naran Autoridade Aduaneira, haktuir hosi Dekretu Lei no 9/2017, 29 Marsu kona-ba Estatutu Organíku Autoridade Aduaneira.

Ministra Finansas en Ezersísiu e Vice-Ministra Sara Lobo Brites konsidera katak, loron ohin importante ba Alfandega iha mundu ne’ebé selebra ba dala 67 no ba Timor Leste 19 ano. Ba Timor Leste loron aniversáriu ba Autoridade Aduaneira ne’e selebra liuhosi programa workshop.

“Konvida Komisariu Funsaun Públiku hodi koalia kona-ba etika e integridade funsionalismu públiku no Komisaun Anti Korupsaun hodi koalia kona-ba prespetiva KAK sobre papel servisu Aduaneira nian,” haktuir Ministra Finansas en Ezersísiu e Vice-Ministra Sara Lobo Brites
Nune’e mós, Diretúr Jéral Autoridade Aduaneira aprezenta relatoriu implementasaun atividade no rezultadu servisu ne’ebé mak durante ne’e alkansa iha tinan 2018 inklui mós planu servisu 2019 nian.

“Alfandega hanesan odamatan ba nasaun iha responsabilidade bo’ot atu komunika ho intidades hosi nasaun estranjeiru no nasionais ne’ebé ultra pasa iha fronteira. Tan ne’e ho slogan ne’ebe lansa sei fo fali motivasaun ba Alfandega hodi refleta fila fali saida mak durante ne’e halo ona” deklara Diretúr Jéral Autoridade Aduaneira, José António Fatima Belo.