• Autoridade Aduaneira Prende Sasan Ilegais

Home » Anúnsiu » Autoridade Aduaneira Prende Sasan Ilegais Imprime pájina

Autoridade Aduaneira Prende Sasan Ilegais

20190813_Autoridade Aduaneira Prende Sasan Ilegais

Autoridade Audaneira (AA) liuhosi Diresaun Nasional Jestaun Kontrolu iha loron 9 Agustu 2019, halo ezaminasaun ba kontentór ida ho 40 fit ne’ebé iha liña mean, konsege detekta sasan sira balun la temi iha dokumentus ne’ebé kategoria hanesan deskaminu hosi kompaña WT-Wontai. Trading. Lda.

Autoridade Aduaneira ezamina ba kontentór ho 40 fit depois halo verifikasaun hetan Servejas kaixa 200, Sigaru ho tipu China nia lian kaixa 6, Fo’os sakas 50 no sasan balun ne’ebé sei iha faze verifikasaun.

“Sasan sira ne’ebé ohin hau temi ne’e la deklara iha dokumentus, purtantu pasparte ba sasan sira ne’ebé ita kategoria hanesan deskaminu. Sasan sira ne’e autoridade sei halo verifikasaun remata hafoin halo relatóriu haruka ba superior hodi foti desizaun para ita bele halo partisipasaun ba instituisaun sira ne’ebé kompotente”. Informa Diretór Nasional Jestaun Kontrolu Julião J. Ximenes

Sasan hirak ne’e haktuir hosi Lei Alfandega viola ona Dekretu Lei No 14/2016 ne’ebé maka ko’alia kona-ba Rejime Kontrolu Tabaku ninian.