• Autoridade Aduanera Selebra Natal Ho Funsionáriu Postu Integradu Salele

Home » Anúnsiu » Autoridade Aduanera Selebra Natal Ho Funsionáriu Postu Integradu Salele Imprime pájina

Autoridade Aduanera Selebra Natal Ho Funsionáriu Postu Integradu Salele

20190109_Autoridade Aduaneru Selebra Natal Hamotuk

Ministériu Finansas liuhosi Autoridade Aduaneira (AA) selebra Natal no Tinan foun 2019 hamutuk ho funsionáriu hosi orgaun relevantes ne’ebé hala’o kna’ar iha Postu Integradu Salele ho objetivu atu kria lasus amizade diak iha futuru oin mai. Selebrasaun ne’e realiza iha Postu Integradu Salele iha loron 4 Janeiru 2019.

Liuhosi selebrasaun Natal no Tinan Foun ne’e atu bele hadia no dezenvolve diak liu servisu fronteira nian tuir prosedimentus nasaun nian hodi nune’e bele hametin unidade servisu ekipa nian hanesan fasilita komersiu konaba rekoilla reseitas ba kofre Estadu inklui kontrolu atividade ilegais sira.
“Buat hotu ita halo, presiza ita nia pasensia no boavontade hodi servisu hamutuk atu bele rona malu liuhosi liña koordenasaun, ida ne’e importante tebes iha fronteiras” haktuir Diretor Jerál Autoridade Aduaneira Jose António Fátima Abilio.

Iha parte seluk, Administradór Munisipiu Covalima Afonso Noguera Nahak ne’ebé marka mós prezensa durante seremonia ne’e enkoraja nafatin pesoal sira atu bele hadia kualidade servisu mais diak liu
“Servisu barak imi halo iha tinan 2018 balun la’o diak no susesu, ida ne’ebé diak husu atu kontinua no ida la diak imi hamutuk atu bele hadia ” tenik Administradór Munisipiu Covalima.

Nune’e mós, Komadante Imigrasaun Postu Integradu Batugade Marcelo Ximenes ne’ebé reprezenta Servisu Imigrasaun iha fronteira uza opurtunidade ne’e hato’o mós diskulpa no husu nafatin atu kurizi malu hodi nune’e servisu hirak ne’e bele la’o ba oin.

Durante ne’e Autoridade Aduaneira iha periodu tinan Lima nia laran halo hela reforma liuhosi pilar 4 hanesan Enkuadramentu Legal, Infraestruturas, Sistema no Rekursus Humanus.