NCB/003/MTC-2022 Rehabilitation and Construction of Dili Terminal Passenger Building in Dili Port 23th February 2022, at 15:00HR Local Time English |  Portuguese |  Tetum |  Indonesian NCB/047/EDTL-EP-2021 Re-Tender : Construction and Installation of new Medium Voltage Line and Transformers at Memo Saburai, District Maliana Anunsio Resultadu Tenderizasaun English |  Portuguese |  Tetum |  Indonesian NCB/027/MAE-2021 Fornesimentu Ekipamentu Informátika no Komunikasaun ba Sekretariadu Tékniku Administrasaun Eleitoral – Ministériu Administrasaun Estatal (Re-Tender) Anunsio Resultadu Tenderizasaun English |  Portuguese |  Tetum |  Indonesian
  • Diresaun Jerál Estatístika Ministériu Finansas Asina Akordu Kooperasaun Servisus iha Área Estatístika no Peskiza

    Díli, 18 janeiru 2022 – Horiseik, Ministru Rui A. Gomes sai sasin ba Asinatura Akordu Kooperasaun Téknika entre Diresaun Jeral Estatístika (DJE), Ministériu Finansas no Diresaun Jerál Koordenasaun Administrasaun Finansas no Planeamentu, MTKI konabá Kooperasaun Servisus iha Área Estatístika no Peskiza.

    Liuhusi Akordu Tékniku ne’e, DJE sei fó apoiu tomak ba MTKI liuhusi: i) Fó formasaun téknika konabá rekolla no análize dadus Estatístika iha setór Turizmu, Komérsiu no Indústria; ii) Dezenvolve programa Computer-Assisted Personal Interviewing (CAPI iha aplikasaun Android) hodi rekolla dadus iha terrenu; iii) Konverte dadus ne’ebé rekolla ona ba aplikasaun software estatístika hodi halo análize; iv) Fó formasaun ba funsionáriu tékniku sira husi MTCI kona-ba oinsá uza CAPI.

    Hahú husi tinan 2016, Diresaun Jerál Estatístika, introdus ona mudansas husi peskiza tradisionál (uza surat tahan) ba modalidade eletróniku; mudansa ne’e aplika ona ba: i) Sensu Agrikultura 2019, ii) Peskiza Impaktu Sósiu Ekonómiku 2021, iii) Peskiza Forsa Traballu 2021.

    Partisipa mós iha serimónia Asinatura Akordu Kooperasaun Téknika ne’e, Ministru Turizmu, Komérsiu no Indústria, José Lucas do Carmo da Silva, Vise-Ministra Turizmu Komunitária no Kulturál, Inácia da Conceição Teixeira, Vise-Ministru Komérsiu no Indústria, Domingos Lopes Antunes, Diretór Jerál Estatístika MF, Elias dos Santos Ferreira no Diretór Jerál Koordenasaun, Administrasaun Finánsas no Planeamentu, MTKI, Cristiano Moura de Carvalho. ***

  • Ministériu Finansas Realiza Sesaun Traballu konabá Regras, Prosedimentu Jestaun no Realokasaun Karreta Estadu

    Díli, 18 janeiru 2022 – Presidentes Autoridades, Administradores Munisípius, Responsáveis Instituisoes no Servisus Fundu Autónoma (SFA), Diretores Gerais Liña-Ministériál (LM), Instituisoes Estadu (IE) no Funsionáriu Tekniku sira, ohin dadeer, halibur hamutuk iha sesaun traballu loron-sorin-balun hodi rona aprezentasaun husi ekipa Tékniku Ministériu Finansas konabá: i) Resolusaun Governu númeru 130/2021 ba Jestaun no Realokasaun Karreta Estadu; ii) Despacho Ministériu Finansas konabá impaktu númeru fiksa, realokasaun no redusaun ba Leilaun, no iii) Padraun Prosedimentu Operasionál ba realokasaun no utilizasaun veíkulus pool iha LM, IE no SFA no Pool Nasionál.

    Sesaun traballu ne’e organiza husi Diresaun Jerál Jestaun Patrimóniu Estadu, Ministériu Finansas no ofisiálmente loke husi Ministru Finansas, Rui A. Gomes.

    “Iha tinan 18 nia laran, hahú husi 2002 to’o fulan-Jullu 2020, Governu sira gasta ona hamutuk $257.779.899 ba mina no kustu manutensaun veíkulus Estadu. Ne’e hatudu kada tinan ita gasta $14,3 milhões, ka fulan-ida ita gasta $1,2 milhões, ka loron ida ita gasta rihun $57 ba de’it mina no manutensaun veikulus Estadu. Montante ida ne’e aas tebes ba Nasaun ida ke sei enfrenta hela dezafiu estruturál sira hanesan ki’ak no malnutrisaun,” Ministru Rui Gomes hateten.

    Governante ne’e hatutan katak “Despezas sira ne’e, halo orsamentu ba mákina Estadu hetok boot ba beibeik, no dezvia tiha despeza ne’ebé tuir loloos ba setór produtivu no investimentu estratéjiku sira. Fasilidade sira ne’ebé Governu disponbiliza ne’e, en vez de rezulta ba kresimentu no melloramentu iha prestasaun servisu ba públiku, maibé hatodan fali kapasidade finanseira Estadu nian.”

    Polítika poupansa ne’e hanesan forma ida atu introdus efisiensia ba despezas no efisiensia ba utilizasaun rekursu Estadu nian. Iha 2022, Ministériu Finansas sei kontinua identifika, diskuti no elabora tan dokumentu legál sira ne’ebé sei aplika ba Jestaun no Realokasaun Motorizadas Estadu nian, inklui mós poupansa sira seluk.

    Atu mellora jestaun veíkulus ne’ebé ho rigorozu, tinan kotuk Oitavu Governu Konstitusionál aprova ona Resolusaun Governu ho númeru 130/2021 konabá Jestaun no Realokasaun Veíkulus Estadu ne’ebé sei regula no kria kondisaun sira atu bele reforsa jestaun ne’ebé efisiénte no rigór liután atu nune’e bele kontribui ba efisiénsia no rasionalizasaun gastu ba Karreta Estadu.

    Oitavu Governu Konstitusional mós opta polítika foun liuhusi aprovasaun Dekretu Lei númeru 21/2021 konabá subsídiu transporte, hodi transforma kustu operasionál karreta Estadu ba subsídiu transporte. Ida-ne’e nu’udar meius ida ne’ebé; atu hakbit kapasidade funsionáriu públiku sira ba despeza transporte nian; no atu hamenus kustu sira relasiona ho sosa karreta foun, sosa kombustível no halo manutensaun.

    Dekretu Lei númeru 21/2021 konabá Subsídiu Mensál Transporte ne’e hahú tama em vigor iha fulan ida-ne’e. Aprovasaun ne’e fó kompeténsia téknika ba Ministériu Finansas atu koordena, organiza, no implementa polítika Jestaun no Realokasaun Veíkulus Estadu, no Subsídiu Mensál Transporte. ***

  • Mudansa Persentajen Índise Presu Konsumedór Fulan-Dezembru, 2021

    Data públika: 18 Janeiro 2021

    Mudansa persentajen Índise Presu Konsumedór (IPK) Grupu Hotu Mensál sa’e (+0.5%) ba fulan-dezembru, 2021, kompara ba fulan-novembru, 2021 sa’e mós (+0.5%). Mudansa presu grupu hotu (+0.5%) tanbá hetan kontribuisaun husi grupu Alkohol no Tabaku (+1.9%), Hahán no Bebidas la’ós Alkólika (+0.4 %), Ekipamentu no Manutensaun Mobilariu Uma Laran (+1.2%), Hatais no Sepatu (+0.5%), no Uma (+0.1%). Transporte (-0.6%) sai hanesan mudansa kontrariu ba inflasaun grupu hotu. Hahan no Bebidas la’os alkoholika sae tamba hetan impaktu maioria husi sub grupo Foos (+0.7%), Mina no Bokur (+0.6%), Modo Tahan (+0.3%), Susuben, Keiju no Manutolun (+0.8%) no Naan (+0.6%). Aifuan (-0.4%) sai hanesan mudansa kontrariu ba inflasaun grupo Hahan no Bebidas Lao’os Alkolika.

    Mudansa persentajen IPK anuál sa’e (+5.3%) kompara entre fulan-dezembro, tinan-2021 ho fulan-dezembro, tinan-2020, hetan kontribuisaun husi grupo Hahán no Bebidas la’ós Alkólika (+7.3%), Alkohol no Tabaku (+10.7%), Transporte (+6.6%), Uma (+1.4%), Ekipamentu no Manutensaun Mobilariu Uma Laran (+2.1%), Rekreasaun no Kultura (+1.0%) no Saude (+0.7%). Hatais no Sepatu (-0.1%) sai hanesan mudansa kontrariu ba anuál dezembro 2021.

    Inflasaun Tradeable sa’e (+0.8%) no Non-Tradeable tun (-0.5%) iha mensál
    kompara entre fulan-dezembro, tinan-2021 ho fulan-novembro, tinan-2021.

    Inflasaun Tradeable sa’e (+6.4%) no Non-Tradeable sa’e (+2.8%) iha anuál
    kompara entre fulan-novembro, tinan-2021 ho fulan-novembro, tinan-2020.

    Bele mos hare iha Versaun Tetum detallu.

  • NCB/002/STAE-2022 Akizasaun senas kombustivel ba eleisaun presidensial I & II (volta), inklui ba servisu operasionais ba STAE 28 Janeiru 2022 (10:00 HTL) English |  Portuguese |  Tetum |  Indonesian RFP/006/MTC-2022 Detailed Engineering Design (DED) for Dredging Works at Dili Port 18th of February 2022 English |  Portuguese |  Tetum |  Indonesian RAEOA-ZEESM TL SRF/UAL/2021-064 Projetu Reabilitasaun De Infra-Estrutura De Agua E Saneamentu Na RAEOA ZEESM TL N/A English |  Portuguese |  Tetum |  Indonesian RAEOA-ZEESM TL SRF/UAL/2021-061 Akizasaun Ekipamentus Laboratorio no Ekipamentus konsumaveis ba serbisu laboratorio SAS RAEOA Tinan 2021 N/A English |  Portuguese |  Tetum |  Indonesian
    • Akizasaun Ekipamentus Laboratorio no Ekipamentus konsumaveis ba serbisu laboratorio SAS RAEOA Tinan 2021