• KRO hahú diskuti Orsamentu Estadu 2016

Home » Anúnsiu » KRO hahú diskuti Orsamentu Estadu 2016 Imprime pájina

KRO hahú diskuti Orsamentu Estadu 2016

Komisaun Revizaun Orsamentu (KRO) sei hasoru malu ho kada Ministériu, Sekretáriu Estadu no instituisaun sira seluk hodi prepara Orsamentu Jeral Estadu ba 2016. Komisaun ida ne’e, kompostu husi reprezentante sira husi seitór xave Governu nian, sei diskuti ho ministériu no instituisaun sira konaba proposta orsamentu ne’ebé sira propoin hanesan pasu dahuluk no baze ba preparasaun Orsamentu 2016.
Enkontru ida ne’e, ne’ebé hahú husi dia 7 to’o dia 17 Setembru 2015 iha Ministériu Finansas no lidera direitamentu husi S.E. Dr. Rui Maria de Araújo, Primeiru Ministru no akompañia husi Ministru Koordenadór sira no Ministra Finansas.
Governu propoin 1.3 bilaun dólar amerikanu ba Orsamentu 2016. Orsamentu ida ne’e sei uza hodi finansia seitór prioritáriu sira ba 2016 hanesan edukasaun, saúde, agrikultura no infraestrutura bázika.