• Ceremonia Icar Bandeira

Home » Anúnsiu » Ceremonia Icar Bandeira Imprime pájina

Ceremonia Icar Bandeira

icar

Dili, 3 Abril 2017, Ministériu Finansas hala’o nia aktividade serimonia icar Bandeira iha resinto Diresaun Jeral Alfandega nian. Toma responsabilidade ba serimonia ne’e mak Diresaun Jeral Finasa Estadu no sai hanesan mestre ba serimonia ne’e mak Sua Ex.cia Sr. Helder Lopes, Vice Ministru Finnasa.
Antes hahu ninia diskursu, S. E. Vice Ministru fo parabens ba funsionariu tomak ne’ebe mak partisipa iha eleisaun presidensial ne’ebe lao ho susesu tamba kontribuisaun ita hotu nian ba prosesu konstrusaun estadu no mos tamba ita nia maturidade polítika bainhira hala’o demokrasia.
Vice Ministru mos realsa tan katak ita hotu tuir ona eleisaun presidensial ne’ebe lao ho susesu maibe sei iha tan eleisaun ida mak mak iha tempu badak sei hala’o mak eleisaun parlamentar. Nudar ajente administrasaun públika, ita iha dever, responsabilidade no direitu hanesan funsiunariu públiku tenki partisipa iha prosesa eleisaun ne’e. Tan ne’e husu para ita bo’ot sira uza direitu ne’e hodi partisipa iha prosesu polítika maibe labele uza fasilidade estadu bainhira atu partsipa iha kanmpaña polítika.
S. E. Vice Ministru hato’o mos ba funsiunariu tomak katak Ministériu Finansas sai fuan ba estadu maibe ema ida la voloriza servisu ne’ebe mak Ministériu Finansas halo. Agora daudaun liu husi Departamentu, Diresoens relevante elabora hela dekretu lei ida hodi valoriza no fo inzensaun ba servisu profesionais Ministériu Finansas nian ne’ebe tur iha area Jestaun Finansa Públika no mos area espesializada. Ministériu Finansas sei transforma estatutu husi funsiunariu baibain ba profesionais iha area ne’ebe servisu ba. Ho ida ne’e funsiunariu ne’ebe servisu iha area hirak ne’e tenki tuir formasaun ne’ebe sei organiza husi Sentru Treinamentu Ministériu Finansas nian. Sentru Treinamentu ne’e sei fo sertifikasaun ba funsiunariu ne’ebe passa iha formasaun refere. Dekretu lei ne’e agora daudaun tama ona iha faze finalizasaun no hein katak iha tempu badak sei apresenta ba Konselhu Ministru hodi hetan aprovasaun.
S. E. Vice Ministru mos hakarak hato’o ba funsunariu tomak katak agora daudaun Komisaun Reforma Fiskal sei fokus hela ba area reseitas nian liu-liu ba Alfandegas no Impostu. Kodigu Aduaneiru, Dekretu Governu no Órganika Alfandega nian foin aprova no promulga ona. Ida ne’e signifika katak Autoridade Alfandegas no Imposto sei sai Ajensia Autonoma no ne’e la signifika sira ses an husu Ministériu Finansas maibe ajensia autonoma sei jere orsamentu rasik no mos sei tutela nafatin ba Ministériu Finansas. Tan ne’e husu ita bo’ot sira bele desemina Dekrertu Lei foun ne’e ba funsiunariu tomak hodi sira bele prepara an iha prosesu reforma ida ne’e
Partisipa iha seremonia icar bandeira ne’e husi Jestores no funsionariu Ministériu Finansas nian.