Timor-Leste Ministry of Finance

Home » Alfandega » Prende Sasan » Hato’o Rekursu Desizaun ba Prende Sasan sira Imprime pájina

Hato’o Rekursu Desizaun ba Prende Sasan sira

Karik ita nia sasan hetan prende hosi Alfándega, iha asaun balu maka ita bele hala’o. 

Rekursu kontra legalidade prende nian 

Karik ita fiar katak Alfándega laiha direitu legal atu prende sasan sira, ita bele dezafia legalidade kona-ba prende ne’e iha tempu loron lima (5) nia laran hahú husi loron simu Notifikasaun Prende nian. 

Hanesan ezemplu, ita bele dezafia desizaun atu prende sasan sira ho fundamentus katak:

• sasan iha ona ita ninia abonu legal
• sasan konsumu ba ita nia uzu rasik ka atu fó ba ema.
• sasan la hetan bandu ka restritu, ka
• veikulu ida haktuir provizaun estabelese iha Dekretu Lei N0.30/2011. 

Prepara liuhusi hakerek Notifikasaun ida Keixa nian hodi hato’o rekursu kontra legalidade kona-ba prende sasan sira. 

Ita tenke hato’o rasik ita ninia Notifikasaun Keixa nian ba:
Eskritóriu Konsellu Legal ba Diresaun Reseita Nasionál no Alfándega,
Reseita no Edifisiu Alfándega, Opozisaun Portu Dili,
Dili, Timor-Leste. 

Sasan na’in deit iha tempu sasan sira hetan prende maka bele hato’o rekursu prende ho susesu, maske na’in ne’e bele haruka ema seluk hodi hatama Notifikasaun Keixa nian reprezenta sira. 

Husu ami liuhusi hakerek hodi konsidera fó fila sasan sira ba ita 

Maske karik ita aseita katak Alfándega iha ona direitu legal hodi prende sasan, ita bele hakerek ba Alfándega husu nia konsidera fó fila sasan ba ita. 

Alfándega labele aseita garantia ida ba:

• Hasai veikulu motor sira tuan liu tinan lima
• Bandu ka restritu merkadorias, ka
• Bainhira kazu ida refere tiha ona ba prokurador. 

Karik Alfándega aseita ita nia pedidu, ita nia merkadorias bele hetan troka ho garantia ida, garantia ka depózitu prontu pagamentu ba montante ekivalente ho valór sasan ne’e.

Sasan no garantia sei la restaura ba na’in to’o kualkér dívidas/tusan no multa, ne’ebé vigora daudaun, hetan selu ona. 

Hato’o ita nia surat ba:
Diretór Nasionál Alfándega,
Reseita no Edifisio Alfándega, Opozisaun Portu Dili, Timor-Leste. 

Hala’o buat rua iha tempu hanesan  

Iha tempu hanesan, ita bele kontesta legalidade kona-ba prende nian enkuantu husu Alfándega atu fó fila sasan ne’ebé prende ona. 

Haktuir ami nia prosedimentu hato’o keixa 

Ba hatutan asaun ne’ebé temi iha leten, ita bele, halo tuir ami nia prosedimentu hato’o keixa. 

Prosedimentu keixa ne’e maka kona-ba oin sá ita liga nu’udar ema ida duké karik sasan loloos hetan prende husi ita ka restaura ba ita. 

Hato’o ita nia surat ho detallu kona-ba keixa ba:
Diretór Nasionál Alfándega,
Reseita no Edifisio Alfándega, Opozisaun Portu Dili,
Timor-Leste.