Timor-Leste Ministry of Finance

Home » Alfandega » Prende Sasan » Bainhira Maka Sasan Bele Hetan Prende Imprime pájina

Bainhira Maka Sasan Bele Hetan Prende

Sasan ho Pasajeirus 

Bainhira Funsionáriu Alfándega ida hetan sasan ka merkadorias ne’ebé hetan bandu atu importa, ezemplu hanesan kilat ka sasan sira hetan karantina-restritu, sira sei prende sasan sira ne’e haktuir artigu 49 husi Dekretu Lei 11/2004 no, karik konsidera nesesáriu, kaptura pasajeiru ne’e.

Alfandega bele mos prende sasan ka kaptura pasajeiru ida bainhira ema ida: 

• koko atu tama Timor-Leste laho kontrolu Alfándega
• lakohi halo deklarasaun ida ka halo deklarasaun falsa ida.
• La’o liu Kanal Verde lori sasan ne’ebé loloos deklara tiha ona ba Alfándega, ka
• Lori:
  – objetu ho intensaun ba fa’an ka kualkér atividade industrial ka komersial
  – liu duké alkóliku hemu nian litru 2.5, ho volume barak liu 22% ka litru 5 alkóliku hemu nian, ka
  – barak liu xigaru lolon 200 ka tabaku grama 200. 

Kargu/naha

Funsionáriu Alfándega sira sei prende kualkér sasan la deklara ka bandu ona ne’ebé sira hetan importa ona liuhosi kargu tama mai Timor-Leste. 

Veikulu Motor

Karik importadór ida ka Alfándega intermediáriu falsifika ka fó dokumentu sira falsu hanesan parte husi prosesu importante ba veikulu motor ida, veikulu sei hetan prende hosi Alfándega no sai propriedade Estadu nian.