• Produtu mak Ita Bele Lori

Home » Alfandega » Halo Viajen ba Timor-Leste » Produtu mak Ita Bele Lori Imprime pájina

Produtu mak Ita Bele Lori

Iha produtu mak ita bele lori ba Timor-Leste ne’ebe la presiza selu impostu. Produtu balun sei atrai impostu ne’ebe ita presiza selu.

Produtu mak ita la presiza selu impostu

Ai-balu pesoal no produtu naun-komersial

Bainhira tama iha Timor-Leste, ita bele lori ba rai ne’e, ne’ebe la presiza selu impostu:

  • Ita nia aibalu pesoal, no
  • Produtu ba uzu naun-komersial (to’o valor US$300 (dollar atustolu).

Atu konsidera katak aibalu ne’e viajante nian, produtu ne’e tenki:

  • Uzu pesoal no naun-komersial, no
  • Apropriadu ba uzu pesoal ka familiar, ka atu fo produtu ne’e hanesan prezente, porezemplu: natureza no kuantidade ba produtu ne’e sei la ba uza ba atividade komersial.

Duty Free items no produtu

Viajante Adultu: tinan 17 ba leten

Viajante adultu ida-idak bele lorin produtu duty-free ba Timor-Leste ne’ebe la liu valor dollar US$300 (dollar atus tolu)

No mos, produtu duty-free limitadu ba viajante ida-idak ba kuantidade ba item ida-idak hanesan tuir mai:

Produtu tabaku:

  • Sigaru 200, ka
  • Sigarillu 100 (ho pezu maksimu 3 gramas per unidade), ka
  • Xarutu 75, ka
  • 30 gramas kona-ba tabaku-korte (cut), ka
  • Mixtura proposional husi produtu sigaru oin-oin
  • Medesina: kuantidade depende ba nesesidade pesoal viajante nian

 Alkol no bebidas Alkolikas

  • Bebidas destiladas no bebidas espirituozas ho taxa ba alkol ne’ebe liu vol. 22%, natural vol. 80% ethonal ka liu: litru 1.5
  • Viñu: litru 5

Perfume: 75 gramas
Eau de toilette: litru 0.375
Kafe: kilograma 1 kafe
Xa: 200 gramas ka 80 gramas kona-ba esensia xa
Medesina: kuantidade depende ba uzu pesoal

Viajante ne’ebe la-liu tinan 17

Viajante ne’ebe la liu tinan 17:

  • Labele lori produtu tabaku, ka alkol ka bebidas alkolikas ba Timor-Leste, no
  • Bele lori produtu duty-free seluk ho limite total USD$300 (dollar atus tolu) no ho limite kona-ba item individual ne’ebe temi iha leten.

Ema ne’ebe atravesa fronteira

Valor total no limite kona-ba montante duty-free ba produtu ho natureza naun-komersial bele hamenus to’o metade bainhira importada husi:

  • Ema maka hela iha fronteira
  • Traballador sira maka serbisu iha fronteira; ka
  • Empregadu sira ne’ebe serbisu iha transporte trafiku entre Timor-Leste no rai seluk.

Produtu ne’ebe ita presiza selu impostu

Karik produtu mak ita lori ba Timor-Leste liu dollar US$300 (dollar atus tolu) no laiha isentus ba impostu:

  • Ba dahuluk, ita boot tenki deklara iha formulariu deklarasaun aduaneira kona-ba ita nia produtu nia valor, ne’ebe atu ba uza naun-komersial, maka la liu dollar $300. Ita boot tenki deklara verbalmente ba Funsionariu Alfandega nian.
  • Funsionariu Alfandega sei ajuda ita deklara ita nia merkadoria, hakerek nia valor, no nia impostu. Impostu maka valor 5% husi ita nia produtu. Karik ita nia merkadoria hanesan bebidas alkolikas, produtu tabaku, iskeiru no kaximbu, ita boot tenki selu valor adisional ida, haree ba Impostu espesial ba konsumu ba items no kuantidade.
  • Ita boot sei ba selu direitu aduaneiru no impostu iha banku. Dili Areoportu iha banku ida ne’ebe ita bele selu taxa no impostu. Iha kazu balun, tanba laiha banku iha Aeroportu iha Dili ka karik ita boot to’o iha Dili liu husi fronteira, ita boot bele selu taxa no impostu ba funsionariu alfandega nian.
  •  Bainhira selu taxa no impostu mak ita boot deve, Alfandega sei fo sai ita boot nia produtus.

Karik ita lori produtu ne’ebe autoridade aduaneiru konsidera hanesan natuereza komersial, sei aplika impostu no ita boot tenki uza Despaxante Aduaneiru atu importa items hirak ne’e ba Timor-Leste.