• DEBATE INTERATIVU POLÍTIKA FISKÁL TIMOR-LESTE Televisaun Edukasaun (TVe)

Home » Announcements » DEBATE INTERATIVU POLÍTIKA FISKÁL TIMOR-LESTE Televisaun Edukasaun (TVe) Print Page

DEBATE INTERATIVU POLÍTIKA FISKÁL TIMOR-LESTE Televisaun Edukasaun (TVe)

debate

Fundasaun Oriente, 27 Janeiru 2017, Policy Leader Group (PLG) halo kooperasaun ho TVe no finansiadu husi The Asia Foundation realiza programa debate interativu ida hodi koalia kona ba “Polítika Fiskál Timor-Leste nian”.

Programa ne’e realiza ho objetivu atu bele fahe informasaun ba publiku kona ba Polítika Fiskál Timor Leste nian, Programa ida ne’e rasik organiza husi PLG no TVe iha salaun Fundasaun Oriente nebe hetan partisipasaun husi Orador nain tolu mak hanesan; Vice Ministru Finansas, Helder Lopes, Diretur Executivu Organizasaun Naun-Govermentais (ONG) Luta Hamutuk, Mericio Akara, Vice Presidente Cámara Comerçio e Industria de Timor-Leste (CCI-TL), Alberto Carvalho Araujo ho moderador Matias Boavida no debate ne’e hala’o iha oras ida nia laran.

Iha debate ne’e, Vice Ministru Finansas, Helder Lopes esplika katak, Polítika Fiskál hanesan polítika ne’ebe monu ba kompetensia governu nian liu-liu Ministériu Finansas (MF), atu halo hodi suporta ou fasilita dezenvolvimentu iha país ida.

Vice Ministru subliña liu tan katak, iha area ekonómia polítika bo’ot rua ne’ebe nasaun ne’e tenki halo mak polítika fiskál hanesan kompetensia governu nian, no políitika monetaria hanesan kompetensia Banku Central. Koalia konaba Polítika Fiskál iha kompenente bo’ot rua mak hanesan reseitas no despezas. Iha kontekstu Timor-Leste koalia konaba Polítika Fiskál ne’ebe mak Ministériu Finansas halo iha atributu lubuk ida mak presija konsidera. Em termus reseitas husi minarai/ riku soin naturais no reseitas doméstika/ ne’ebe mak kolekta husi imposto nian.

Despezas estadu ne’ebe governu halo hanesan despezas ne’ebe bele finansia estadu tomak nia nesesidade. Por tantu, iha kategoria lima ne’ebe mak inklui ba despezas mak hanesan salariu e vencimentu, beins e servisu, kapital menor, transferensia públika no kapital dezenvolvimentu.

Entertantu, Diretur Executivu Organizasaun Naun-Govermentais (ONG) Luta Hamutuk, Mericio Akara hatete katak, nudar sosiedade civil ami nia kna’ar mak atu tau matan no observa polítika fiskál inklui Orsamentu Jeral Estadu nian.

Nune’e mos, Vice Presidente Cámara Comerçio e Industria de Timor-Leste (CCI-TL), Alberto Carvalho Araujo hatete setor privadu hanesan parseiru ba governu iha diskusaun barak mak halo ona ho governu konaba politika fiskal nune’e setor privadu nia papel mak oinsa atu dezenvolve area hirak ne’ebe bele atrai turista sira mai Timor.

Politika Fiskal ne’e importante ba dezenvolvimentu Timor-Leste nune’e idea diak ne’ebe ita tau hamutuk husi parte governu, sosiedade sivil no setor privadu bele dezenvolve nasaun ida ne’e no fo benefisiu ba povu ki’ik sira iha area rural.