• Diresaun Jeral Estatístika simu Bainaka hosi Flinders University Australia

Home » Anúnsiu » Diresaun Jeral Estatístika simu Bainaka hosi Flinders University Australia Imprime pájina

Diresaun Jeral Estatístika simu Bainaka hosi Flinders University Australia

20190710_Diresaun Jeral Estatístika simu Bainaka hosi Flinders University Australia

Iha loron 9 Jullu 2019, Estudante nain 10 akompaña ho dosente nain ida hosi Universidade Flinders, Adelaida, hosi parte Sul Australia nian hala’o vizita ba Diresaun Jéral Estatístika.

Iha okaziaun vizita ne’e Diretur Jeral hosi Diresaun Jeral Estatístika (DGE), Elias dos Santos Ferreira aprezenta rezultadu Sensus Populasaun no Uma Kain 2015, inklui dadus Mortalidade no Fertilidade.

“Vizita ne’e importante tebes tanba ita mos bele fahe informasaun ba estranjeiru sira ne’ebe iha interese atu vizita Timor-Leste” Hateten Diretur Jeral Estatístika, Elias dos Santos Ferreira iha nia knar fatin, Cai Coli.

Vizita hirak ne’e nu’udar oportunidade ba estudantes hosi Universidade Flinders hodi hatene kona-ba kondisaun sosio Ekonomia no situasaun kultura Timor-Leste nian bazeia ba Rezultadu Sensus no Peskija Demográfika Saude, liu-liu Fertillidade no mortalidade Timor-Leste nian.

Professor Udoy Saikia, Xefe Investigasaun Siensia Sosiais hosi Universidade Flinders ne’ebe mak akompana estudantes hirak ne’e rekunhese katak vizita hirak ne’e nu’udar opurtunidade ba estudantes sira hodi hatene kona-ba Timor-Leste hodi hasae konhesementu estudantes sira kona-ba Timor-Leste.

Iha Universidade Flinders ami mos hanorin kona-bá Timor-Leste maibe estudantes sira nunka hare Timor-Leste. Liuhosi opurtunidade hirak ne’e bele aumenta prosesu aprendizajen estudantes sira” Haktuir Professor Udoy Saikia.

Diresaun Jeral Estatístika antes ne’e estabelese ona kooperasaun ho Universidade Flinders liuhosi peskiza ne’ebe halao’ tiha ona hosi Dosente nain 4 hosi Universidade refere kona-ba Peskiza Moris Diak nian no mos peskiza konaba Índise Dezenvolvimentu Uma Kain iha tinan 2018.

Diresaun Jeral Estatístika rekunhese katak kooperasaun hirak ne’e importante hodi mellora kapasidade Timor oan sira liuhosi liña koordenasaun ne’ebé diak hodi bele haruka Timor oan sira ba estuda iha Universidade Flinders.