• Diresaun Jerál Servisus Korporativus Hala’o Retiru Anuál Ho Funsionáriu-Sira

Home » Anúnsiu » Diresaun Jerál Servisus Korporativus Hala’o Retiru Anuál Ho Funsionáriu-Sira Imprime pájina

Diresaun Jerál Servisus Korporativus Hala’o Retiru Anuál Ho Funsionáriu-Sira

Diresaun Jerál Servisus Korporativus (DJSK), Ministériu Finánsas hala’o retiru anuál ho funsionáriu sira durante loron ida tomak ho tema “Fortifika Sentidu Nasionalismu no Estadu: Servisu iha Foma Profesionál no Rigor Trasparansia, Dedikasaun no Responsablidade”, enkontru ne’e realiza iha Auditrorium Ministériu Finansas iha loron kuarta-feira 13 Janeiru 2021.

Objetivu husi retiru anuál ne’e mak atu avalia dezafiu no prestasaun servisu sira ne’ebé diresaun ne’e presta ona durante tinan-2020. Retiru ida ne’e normalmente hanesan refleksaun ida ne’e ba ema hotu iha oportunidade espresa nia hanoin kritika no auto kritiku.

Iha diskursu abertura, Diretór DJSK Joanico Pinto hatete “Iha tinan 2020, Ita halo servisu barak no hasoru dezafiu lubun ida ne’ebé koko atu destrói Ita-nia hanoin no espiritu servisu nian. Maibé, Ita konsege ultrapasa hodi jere hodi nune’e bele remata tinan ho diak”.

Hodi S.E Minístru Finánsas, Rui Augusto Gomes no Vice-Minístra, Dra. Sara Lobo Brites nia naran hakarak hato’o ami-nia gratidaun no agradesimentu ba Ita-Boot sira nia dedikasaun, dezempeñu no kontribuisaun ba sakrifisiu hotu ne’ebé halo ona ba institusaun ida durante tinan-2020.

“Há’u espera retiru loron tomak ida ne’e la’o ho susesu sei lori rezultadu ida diak ba ita ida-idak nia kareira liu-liu ba iha insituisaun Ministériu Finánsas”, reforsa Diretór Joanico Pinto.
Há’u iha korejen ba buat diak institusaun nian ita tenki halo no ba oin ita retiru sira hanesan iha nivel diresaun no departamentu ida-idak hodi nune’e iha sustentabilidade iha prestasaun servisu ne’ebé maka ita halo.

Retiru ida-ne’e hetan aprezentasaun husi (Diresaun Nasionál Rekursu Umanu) Cesário Martins, (Diresaun Nasionál Planeamentu Orsamentu no Avaliasaun Dezempeñu) Arlindo Monteiro, (Diresaun Nasionál Aprovizionamentu) Evangelina Guterres, (Diresaun Nasionál Administrasaun Jestaun Kontratu) João Bosco Santos, (Diresaun Nasionál Lojístika Manutensaun Jestaun Projetu Espesiál) Domingus Marques, (Diresaun Nasionál Finánsas Jestaun Apoiu Esterna iha Ministériu Finánsas Diretora Regina da Conceição Martins. Husi aprezentasaun ne’e esplika kona-ba servisu ne’ebé bai-bain dirasaun sira presta nomós dezafiu-sira ne’ebé infrenta iha tinan-2020 nian no presiza mellora iha tinan-2021.

Partisipa iha retiru ne’e, funsionáriu husi Diresaun Nasionál sira ne’ebé maka tutela iha DJSK nia okos maka hanesan Diresaun Nasionál Rekursu Umanu, Diresaun Nasionál Planeamentu Orsamentu no Avaliasaun Dezempeñu, Diresaun Nasionál Aprovizionamentu, Diresaun Nasionál Administrasaun Jestaun Kontratu, Diresaun Nasionál Lojístika Manutensaun Jestaun Projetu Espesiál, Diresaun Nasionál Finánsas Jestaun Apoiu Esterna, Ministériu Finánsas