• Diskursu Mestre Ceremonia Içar Bandeira 02 Julho 2018.

Home » Anúnsiu » Diskursu Mestre Ceremonia Içar Bandeira 02 Julho 2018. Imprime pájina

Diskursu Mestre Ceremonia Içar Bandeira 02 Julho 2018.

20180702_LIA MENON DISCURSO dia 02 Julho 2018. AT

DISKURSU MESTRE CEREMONIA IÇAR DA BANDEIRA
02 Julho 2018.
Mónica Rangel da Cruz, Diretora Geral da Autoridade Tributária.

Uluk nana’in permite hau hodi reprezenta SE Sra. Vice Ministra e Ministra em exercisio hodi lidera no sai Mestre da Ceremonia ba ceremonia içar da bandeira ohin loron segunda feira dia 02 de Julho 2018 hanesan mos primeira Icar Bandeira VIII( oitavo Governo).

Hau nia respeito ba Sr. Presidente ANPM, Vice ANPM no ekipa, Diretores Gerais, Diretoris Nacionais, Chefe Gabinete, Coordenadores, Chefe Unidade, etc…no funcionários sira hotu,,,

Bom dia ba ita bo’ot sira hotu…….

Hakarak hato’o parabéns ba ekipa Içar Bandeira ba Autoridade Tributaria, agradese mos ba Sr. Valente nebe durante ne’e ho pasiensia hodi suporata nafatin preparasaun ba ceremonia Içar da Bandeira. Hau fiar katak sei iha kaderizasaun husi Sr. Valente ba ema seluk hodi halo preparasaun ba içar da bandeira iha futuru.
Hakarak mos agradese ba logostica ba preparasaun ceremonia içar ba bandeira ohin nian.

Hau mos hakarak agradese purfundu ba sentidu de pertence no fidelidade ita hotu nian ba estadu no nasaun hodi respeita nafatin regras no simbolu nacionais sira hanesan ezemplu konkreta nebe agora dadauk ita halao hela ceremonia içar da bandeira.

Husu ba Chefia sira hotu atu bele controla nafatin liu liu asesor nacionais nebe nunka participa iha seremonia içar bandeira, husu atu bele partisipa mos tamba, içar bandeira ne’e kada fulan ida dala ida. Husu atu tau nafatin conciencia no sentido nasionalismu.

Iha biban ida ne’e hakarak transmite hela…. ..Sekuencia hosi aktividade chave balun katak Governo sei aprova Lei Organica VIII Governo, tuir fali Programa Governo no OGE 2018. Iha tinan ida ne’e sei prepara mos OGE 2019. Ne’e duni papel Ministério Finanças iha faze ida krusial atu guia Ministério hotu iha tempu badak nia laran hodi prepara orcamento rua (2). DG Finanças do Estado sei halo exercisio bo’ot ba assuntu refere.

Ne’e duni iha biban ida ne’e hau lori SE Vice Ministra no Ministra em exsercisio nia naran husu ita hotu fo apoio ba malu, disciplina iha horario, ida-idak halao nia servisu ho responsabilidade, tenque iha solidaridade institucional atu prontu nafatin fo suporta ba linha ministeriais / LM sira wainhira sira presiza Ministério Finanças nia tulun liu-liu iha espiritu atu servi ba ita nia cidadaun sira.

Atu konklui husu ba funcionários hotu atu buka kumpri nafatin dever funcionários Público nebe consagra ona iha Lei Funsaun Públika.
Husu nafatin ho conciencia tomak hodi kumpri regras em vigor.

Iha biban ida ne’e hakarak hato’o “PARABENS no BEMVINDO” ba SE Primerio Ministro VIII Governo no Membro do Governo sira hotu.

Ikus liu hakarak mos avisa ba ita hotu katak iha lorokraik 17:00 horas, kuandu hatun bandeira Nasional ita hotu tenque hamrik hakmatek iha fatin to’o bandeira hatun hotu e depois mak foin bele la’o.

Obrigado wa’in e bom trabalho ba ita hotu.