• DJE Realiza Treinamentu Pilotu SENSUS POPULASAUN 2019 no 2020

Home » Anúnsiu » DJE Realiza Treinamentu Pilotu SENSUS POPULASAUN 2019 no 2020 Imprime pájina

DJE Realiza Treinamentu Pilotu SENSUS POPULASAUN 2019 no 2020

IMG_1

Ministériu Finansas liuhosi Diresaun Jerál Estatistika no United Nations Population Fund (UNFPA) realiza treinamentu dahuluk kona-ba preparasaun pilotu sensus populasaun uma kain 2019 no 2020. Treinamentu semana ida ne’e ofisilamente hahu’u iha loron 4 Novembru 2019 no sei remata iha loron 8 Novembru 2019 iha Salaun Enkontru Estatistika, Cai Coli.

Programa ba Pilotu Sensus Populasaun nu’udar programa tentativa hodi teste viabilidade informasoens ne’ebé mak atu uza durante realizasaun sensus populasaun ho própriu. Ho forma liuhosi programa pilotu ne’e, perguntas hotu ne’ebé fó sai iha dokumentu bele hala’o revizaun hodi hetan perguntas válidas antes Sensus Populasaun hola fatin.

“Sensus populasaun uma kain sei hala’o iha tinan oin. Tanba ne’e, antes tinan ida ba sensus populasaun uma kain ita tenke halo pilotu hodi koko kestionáriu no dukumentus sira ne’ebé maka iha”, dehan Diretór Jerál Estatistika Elias dos Santos Ferreira
DJE REALIZA TREINAMENTU PILOTU SENSUS POPULASAUN 2019 no 2020

Ho tulun hosi UNFPA,programa pilotu ba Sensus Populasaun sei hahu’u iha loron 10 – 24 Novembru 2019 no rejiaun lima mak sei sai fatin ba realizasaun programa pilotu bazeia ba área geográfika ho ninia kompozisaun rejiaun leste reprezenta hosi munisipiu Baucau, rejiaun sentral munisipiu Aileu, rejiaun oeste munisipiu Ermera, inklui mós rejiaun Oecusse no Dili nu’udar munisipiu ne’ebé ho nível populasaun mais altu iha Timor-Leste.