• DNE Fó sai Rezultadu Peskiza Kona-ba Negósiu 2010 Nian

Home » Anúnsiu » Archived » DNE Fó sai Rezultadu Peskiza Kona-ba Negósiu 2010 Nian Imprime pájina

DNE Fó sai Rezultadu Peskiza Kona-ba Negósiu 2010 Nian

Diresaun Nasional Estatístika (Direcção Nacional de Estatística) hosi Diresaun Jerál Análize no Peskiza Ministériu Finansas nian fó sai ohin rezultadu kona-ba peskiza aktividade negósiu sira nian iha 2010. Peskiza ne’e sai hanesan peskiza ida uluk liu iha Timor-Leste, no kobre sektor naun petrolíferu ekonomia nian.

“Divulgasaun estatístika sira ne’e nian fó mai ita imagem lalais ida kona-ba estrutura no dezempeñu sektor emprezarial Timor-oan sira nian iha 2010” dehan Emilia Pires, Ministra das Finanças. “Data ne’e sei útil tebtebes bá dezenvolvimentu no avaliasaun polítika governu nian. Data ne’e mos sei útil tebtebes bá sektor emprezarial ne’e rasik, tanba nia buka atu habelar-an iha tempu naruk”.

Alende útil iha ninia direitu rasik, estatístika ne’e mos bele uza hosi Diresaun Nasional Estatístika hodi kalkula produtu internu brutu bá Timor-Leste, estatístika esensial ida kona-ba tamañu no kompozisaun jerál ekonomia Timor-Leste nian.

Estatístika ne’e hatudu katak, iha 2010, sektor emprezarial produs reseita osan millaun $892.3. Ho despeza osan millaun $657.4 million, sektor ne’e produs lukru millaun $234.9, ka 26 porsentu reseita nian. Negósiu iha Dili reprezenta  91 porsentu hosi total reseita, no negósiu iha Distritu sira seluk reprezenta sira ne’ebé mak restu.

Total empregu iha sektor emprezarial iha 2010 hamutuk ema 46,700. Negósiu iha Dili reprezenta 82 porsentu hosi total empregu. Hosi total empregu iha sektor emprezarial, mane reprezenta 70 porsentu no feto 30 porsentu.

Indústria boot liu mak indústria iha Venda a Retallu no Grossu ne’ebé produs 46 porsentu hosi total reseita no 26 porsentu hosi total empregu. Segunda indústria boot liu mak Konstrusaun, ne’ebé reprezenta 10 porsentu hosi reseita no 14 porsentu hosi total empregu.

Sektor komérsiu halo despeza kapital hamutuk millaun $54.0 iha 2010, no indústria iha Venda a  Retallu no Grossu reprezenta 52 porsentu hosi despeza sira investimentu ne’e nian.

António Freitas, Diretór Jeral Análize no Peskiza, Ministériu Finansas nian dehan katak susesu ba hala’o peskiza hosi DNE ne’e nian, reprezenta pasu importante ida bá oin iha dezenvolvimentu estatístika ofisial Timor-Leste nian. “Nu’udar peskiza ida uluk liu, Diresaun Nasional Estatístika tenki dezenvolve abordajem inovadora iha hala’o peskiza ne’e nian. Hau agradese tebes bá ita nia parseiru dezenvolvimentu sira, Banku Aziátiku bá Dezenvolvimentu, bá ninia apoiu. Hau mos hakarak agradese hau nia kolega sira iha Diresaun Estatístika Austrália nian bá sira nia apoiu tékniku iha peskiza ida ne’e.”

Ami hein katak peskiza aktividade negósiu nian ne’e bele hala’o tinan-tinan. “Ita presiza iha kapasidade atu akompaña dezempeñu sektor negósiu nian iha tempu naruk. Sektor negósiu viável ida sai importante tebes atu hamoris empregu no rendimentu bá ita nia povu”, dehan Sr. Freitas.

Diresaun Nasional Estatístika agradese sektor emprezarial nu’udar ida deit, bá sira nia apoiu iha peskiza ida ne’e. Sr. Freitas mos agradese empreza individual sira bá sira nia kooperasaun hodi fornese data ida ne’ebé estatístika ne’e sai kompiladu.

Nota Téknika Balu Kona-ba Peskiza Aktividade Negósiu 2010 Nian

  • Peskiza ida ne’e realizadu iha relasaun ho kalendáriu tinan 2010 nian.
  • Peskiza ida ne’e kobre sektor negósiu formal eonomia nian, esklui empreza petrolíferu sira.
  • Kuadru peskiza ida ne’e nian konsiste iha besik empreza 4,300, ne’ebé mak amostra ida hosi empreza sira ne’e sai dezeñadu.
  • Konteúdu kestionáriu nian iha nu’udar objektivu atu informa kona-ba estrutura no dezempeñu sektor komérsiu formal nian iha Timor-Leste:
    • Indústria / tipu aktividade
    • Volume negósiu nian
    • Despeza
    • Lukru
    • Empregu
  • No mos fornese data bá propzitu kompilasaun konta nasional nian:
    • Produsaun
    • Uzu intermediatu bens / sasan no servisu sira nian
    • Valor adisionadu indústria nian
    • Remunerasaun funsionáriu sira nian
    • Esedente brutu esplorasaun nian
    • Despeza kapital
  • Peskiza ne’e ne’e nia parte finansiadu hosi Banku Aziátiku bá Dezenvolvimentu.
  • Diresaun Estatístika Austrália nian fornese apoiu téniku bá peskiza ida ne’e.

Download