• Dotasoens Orsamentais Temporaria Abril 2018

Home » Announcements » Dotasoens Orsamentais Temporaria Abril 2018 Print Page

Dotasoens Orsamentais Temporaria Abril 2018

Ministériu Planu Finansas hahú distribui DOT Fulan Abril 2018

Ohin-Dili, 02 Abril 2018, Ministériu Planu no Finansas (MPF) liuhosi Diresaun Jeral Finansas Estadu hahu fahe tetu Dotasaun Orsamentais Temporarias (DOT) fulan Abril 2018 nian ba liña ministerial, instituisaun estadu no Ajensias Autonoma sira bazeia ba artigu 31 husi Lei No. 13/2009 hodi bele implementa ho rigor no transparénsia;

Total Dotasaun Orsamental Temporaria (DOT) fulan Abril sa’e pursentu 1 husi total DOT hamutuk $105.4 miloens kompara ho DOT Marsu 2018. Kresimentu ne’e relasiona ho kontinuasaun prevé despezas ba atividades eleisaun ne’ebe através prosesu aprovizionamentu, Servisu Legais no Eis Titulares, RAEOA-ZEESM no Infraestruturas Rural inklui aumentu ba kustus kontribuisaun finanseira internasional;

Durante ne’e alokasaun DOT periodu Janeiro to’o Marsu seidauk liu Tetu DOT inklui Abril nian, maske iha kresimentu husi periodu ida ba periodu seluk, maibe nafatin kumpri ba desizaun Konselhu Ministru limita deit ba kategoria ha’at mak hanesan saláriu no vensimentu, bens no servisu, kapital dezenvolvimentu no transferensia públika.

Durante implementasaun programa no atividade iha DOT hirak liu bá, sempre lao diak no hetan apresiasaun másimu husi superior sira. Hein katak, iha fulan Abril ne’e bele hatudu tan desempenhu diak liu husi periodu sira seluk liu-liu realiza atividades eleisaun, iha fulan Maio;

Ho nune’e husu nafatin atu liña ministerial, instituisaun estadu no Ajensia Autonoma sira presiza kumpri nafatin prinsipiu sira nebee hatur ona ba implementasaun DOT tuir mai, mak hanesan: dotasaun orsamental kobre deit despeza ida durante periodu la liu fulan ida no dotasaun orsamental labele liu um doze avos (1/12) husi orsamental ne’ebé defini tiha ona tuir lei orsamental Jerál estadu No 13/2016 ne’ebe mak tama EM VIGOR, haktuir husi artigu 31 husi Lei Orsamentu no Jestaun Finanseira No.13/2009.

Karik iha duvidas ruma konaba komunikadu ne’e, bele konfirma ho Diresaun Jeral Finansas Estadu liuhosi Diresaun Nasional Orsamentu.

Remata.