• Ekipa Tékniku Aprezenta Progresu Sensus Agrikula Ba Konsellu Ministru

Home » Anúnsiu » Ekipa Tékniku Aprezenta Progresu Sensus Agrikula Ba Konsellu Ministru Imprime pájina

Ekipa Tékniku Aprezenta Progresu Sensus Agrikula Ba Konsellu Ministru

Ministériu Finansas liuhosi Diresaun Jerál Estatístika no Ministériu Agrikultura no Peskas aprezenta progresu dahuluk hosi Sensus Agrikula iha sorumutu Konsellu Ministru,7 Agustu 2019 iha Palasiu Governu.

“Ohin ami esplika prosesu tomak hahu hosi preparasaun depois Sestu Governu aprova rezolusaun ba atividade Sensus Agrikula. Ami esplika kestionariu sira ne’ebé uza iha Sensus Agrikula ne’ebé uza iha oin tolu mak hanesan Kestionariu Listazen, Kestionáriu Uma Kain no Kestionáriu Komunitáriu” hateten Diretór Jerál Estatístika Elias Dos Santos Ferreira.

Iha sorumutu ne’e aprezenta mos kona-ba lala’ok komite servisu tékniku ne’ebé kompostu hosi liña ministériu sira inklui treinamentu TOT (Training of Trainer) nomós treinamentu ba intervistadór no GPS (Global Positioning System)ne’ebé agora la’o hela iha munisípiu 12 inklui RAEOA.

Oras ne’e total pesoal intervistadór ba Sensus Agrikula hamutuk 1.292, inklui Operadór GPS hamutuk ema 646, Supervizór 646 no totál ne’ebé rekrutadu ba Sensus Agrikula hamutuk 2.584 Mane 64% no Feto 36% mak preparadu atu hala’o Sensus Agrikula ne’ebé sei hahu’u iha loron 12 Agustu 2019 too loron 12 Outubru 2019.

Sensus Agrikula ho nia objetivu atu rekolla dadus iha setór agrikula hodi nune’e Governu bele define Polítika no Estratéjia hodi tulun Planu Estratéjiku Dezenvolvimentu 2011 – 2030 liu liu hodi fortifika polítika setór agrikultura Timor-Leste nian bazeia ba dadus ne’ebé mak hetan hosi Sensus Agrikula 2019.