• Ekipa Tékniku Autoridade Tributária (AT) Partisipa iha Business Luncheon Event

Home » Announcements » Ekipa Tékniku Autoridade Tributária (AT) Partisipa iha Business Luncheon Event Print Page

Ekipa Tékniku Autoridade Tributária (AT) Partisipa iha Business Luncheon Event

Loron 12 Fevereiru 2020-Autoridade Tributária-MF partisipa iha Business Luncheon Event iha Timor Plaza ne’ebé organiza husi Timor Plaza Management Team. Parte diresaun Jeral Autoridade Tributária (DGAT) sai oradór kona-bá New Online Tax iha Timor-Leste ho tema “Our Future with New Online Tax System”.

Relasiona ho eventu ne’e, tuir Direitora-Jeral Autoridade-Tributária (DJAT), Monica Rangel da Cruz hateten, objetivu hosi workshop ida-ne’e mak atu introdús plataforma E-services Online sira ne’e ba shareholder ka parseiru sira seluk hodi sira bele kompriende oinsa prosesu foun sira ne’e atu implementa.

Eventu ne’e fó benefisiu bo’ot ba Ministériu Finansas, liu-liu Autotridade Tributária atu fahe informasaun sobre plataforma foun ne’ebé agora dadaun implementa iha prosesu selu impostu.

Plataforma E-services katak hamenus Servisu manuál/paperwork, tambá ho sistema online parseiru sira bele submete sira-nian formuláriu mensal no anual Online e mos bele fasilita sira ba servisu manual/paperwork ne’ebé durante ne’e la’o . Realidade ne’ebé mak durante ne’e akontese mak kontibuintis sira tenki mai edifisiu hodi prienxe formaláriu manuál, hatama iha Autoridade Tributária, lori fali ba banku hodi selu no prosesu seluk-seluk tan ne’ebé difikulta kontibuintis hodi selu tuir tempo ne’ebé determina.

DG mós informa liu tan katak, laos deit fahe informasaun maibé agora ne’e dadaun AT konvida ona kontribuintis sira hodi fó worskshop tékniku i iha tempo hanesan fornese mos password no user name ba sira hotu para sira bele submete sira nia fomaláriu online iha kualker tempo no fatin ne’ebé konviniente.