• Enkontru Altu Nivel (EAN) CPLP

Home » Announcements » Enkontru Altu Nivel (EAN) CPLP Print Page

Enkontru Altu Nivel (EAN) CPLP

cplp

Dili, 25-28 Abril 2017, Timor-Leste sai uma nain ba 12 Enkontru Altu Nivel Alfândegas entre nasaun membru Comunidade dos Países da Língua Portuguesa (CPLP) durante loron hat iha salaun enkontru Ministériu Finansas, Aitarak Laran.

Iha enkontru ne’e, Sr. José Abilio, Diretor Jeral Alfândega hatete, enkontru ne’e realiza ho objetivu atu analiza kestaun sira ne’ebe aborda tiha ona iha reuniaun Konselhu Diretores Gerais CPLP tinan kotuk iha Cabo-Verde no prepara materiais ne’ebé sai hanesan objetu ba desizaun Diretores Jerais nebé mak sei hala’o realiza iha fulan Outubru 2017 iha Guiné-Bissau.

Diretor Jeral ne’e mos esplika katak, iha reuniaun ne’e koalia konaba servisu Âlfandega nian hanesan ita bele haré matérias ne’ebé mak sei aborda iha agenda nia laran hanesan: relatoriu Sekretariu Jeral CPLP, grupu trabalho virtual, projecto PROLIP, Integridade no igualdade generu, memorandum anti graude entre CPLP, grupu trabalhu sistema harmonizado, planu estratégiku ba CPLP, Pontus fortes no Pontus frakus ezekusaun programa PICAP no apresentasaun husi nasaun representantes sira.

Hakarak hateten mos katak enkontru ida ne’e hala’o tamba, iha tiha ona enkontru Diretores Jerais sira ne’ebé mak hala’o iha tinan 30 nia laran ona desde kedas 2004 ne’ebé iha reuniaun sira ne’e nia laran deside atu bele iha koperasaun bilateral ida entre nasaun CPLP sira hodi bele iha programa ida ne’ebé hotu-hotu konkorda no tau hamutuk esforsus ho elabora programa PICAT Aduaneiru iha 2004 ne’ebé mak Alfândegas Timor-Leste mos hola parte.

Hanesan menbru ba nasaun CPLP embora hotu-hotu membru Organizasaun Mundial Alfândegas nian maibé ambiente servisus la hanesan tamba prosedimentus, polítikas, sistemas, legislasaun, aproximasaun, no seluk tan, nune’e presiza iha ajustamentu hirak ne’e entaun iha enkontru ne’e, oportunidade diak ida hodi troka ideas, experiensia no informasaun ba malu atu nune’e membru CPLP hotu bele hetan benefisiu ruma husi enkontru ne’ebe refere hodi bele kontribui ba desenvolvimentu iha nia Administrasaun Aduaneira, inklui Timor-Leste rasik tanba foin reforma iha 2014.

Governante ne’e salienta liu tan, liu husi enkontru ne’e parte Âlfandegas bele aprende barak liu tan husi nasaun membru CPLP sira seluk-seluk hodi bele hadia kualidade servisu ne’ebe iha areas hanesan: protejé fronteiras, kolekta reseita no fasilita komersiu.

Hola parte iha ceremonia ne’e mai husi, membru nasaun CPLP hanesan Brasil, Angola, Saõ Tomé Príncipe, Portugal, Timor-Leste, representante Organizasaun Mundial Alfândegas no Sekretariu Geral CPLP nian.