• Enkontru Diresaun Jerál Tezouru ho Diretór/a Finansas Munisípiu 12

Home » Announcements » Events » Enkontru Diresaun Jerál Tezouru ho Diretór/a Finansas Munisípiu 12 Print Page

Enkontru Diresaun Jerál Tezouru ho Diretór/a Finansas Munisípiu 12

Enkontru DN Pagamentu

Diresaun Jeral Tezouru, liuhosi Diresaun Nasional Pagamentu hala’o enkontru ho Diretór/a husi munisípius 12 kona-ba revizaun ba pagamentu, pagamentu adiantamentu no funsaun payroll nian iha munisípiu. Enkontru ne’e realiza iha Salaun Auditórium, Ministériu Planu no Finansas, Aitarak Laran loron 20/10/2017.

Tuir Diretóra Nasionál Pagamentu, Regina de Jesus de Sousa hateten, objetivu husi enkontru ida ne’e atu fahe informasaun ba diretóres munisípiu sira kona-ba isu importante balun persija fó atensaun hanesan salariu negativu no mós outstanding adiantamentu pagamentu ne’ebé agora iha tinan rohan no nia outstanding sei bo’ot, ho situasaun sira ne’e sei fó impaktu ba taka konta estadu nian.

“Ami iha planu atu tu’un ba minisípiu sira hodi servisu hamutuk no akompaña ita bo’ot sira oinsa ita bele redus adiantamentu pagamentu ne’ebé maka nia outstanding bo’ot”.

Tuir Diretór munisípiu Viqueque, Vasco Nunes hateten, implementasaun sistema free balance iha munisípiu hanesan buat foun ida no difikulade ba ami atu mak operasionaliza sistema ho diak. Relasiona ho outstanding iha munisípiu Viqueque nian bo’ot liu maka merenda eskola iha ensínu báziku no orsamentu operasionál ba sentru saúde tomak. Iha difikuldade seluk atu posting relatoriu sira ne’ebé tama ba JV (Journal Voucher) no orsamentu redepositu ba iha sistema JV nian.

Iha sorin seluk hato’o mós preokupasaun hosi Diretór Finansas Munisípiu Lautem Flavio Rui Manuel hateten, relasiona ho sistema foun ne’ebé ami ka’er no sei iha difikuldade barak iha rekursu humanus ba sistema hosi prosesu tó ajustamentu. Tanba ne’e, ami presija tebes ita bo’ot sira nia ajuda atu bele fó kapasitasaun ba utilizasaun sistema, loke mós espasu ba asesmentu sistema nian no oinsa maka bele le’e sistema relatoriu ida ho diak.

Iha enkontru ne’e hetan partisipasaun másimu hosi diretór/a sira hosi munisípiu 12 nian ne’ebé maka sai hanesan autór ba funsionamentu sistema free balance.