• Enkontru Grupu Jestor Profissionais Rekursu Umanus (GJPRU)

Home » Announcements » Events » Enkontru Grupu Jestor Profissionais Rekursu Umanus (GJPRU) Print Page

Enkontru Grupu Jestor Profissionais Rekursu Umanus (GJPRU)

IMG_9945

“KOMISAUN FUNSAUN PÚBLIKA ESPLIKA KONA-BA ORDEM DEMOKRÁTIKU NO ORDEM BIROKRÁTIKU”

Dr. Faustino Cardoso iha nia abertura ba Enkontru Grupu Jestor Profissionais Rekursu Umanus (GJPRU) ba dala 10 iha Torre Ministériu Planu no Finansas, Sexta-Feira 27 de Outubru 2017 hateten, ordem demokrátiku mak polítikamente hetan fiar ba tinan lima (5) hodi asumi responsabilidade, maibé ordem birokrátiku hakna’ar-an bazeia ba profesionalismu tuir méritu idak-idak ninian no tuir mandatu instituisaun idak-idak nian.

Tuir nia katak, diferensia entre ordem demokrátiku mak refere ba membru governu sira ne’ebé prosesu atu sae kaer ukun liu hosi prosesu polítiku no liuhosi eleisaun no ordem Birokrátiku nia diferensia mak implementa polítikas legislasaun sira ne’ebé mak hetan ona aprovasaun hosi ordem demokrátika ne’ebé mak iha.

“Lia fuan ordem demokrátiku no ordem birokrátiku mai hosi Primeiru Ministru VI Governu Konstitusional ne’ebé uza termu prinsipal rua ne’e, tanba ne’e mak esplika saida mak ordem demokrátiku no birokrátiku,” hatutan Dr. Faustino Cardoso.

Iha fatin hanesan Diretór Jeral Korporativus Ministériu Planu no Finansas, Martinho Lopes koalia katak, husu orbigado barak ba membru GJPRU sira, maske situasuan polítika ema hotu preokupa maibé ita bo’ot sira la preokupa situasauan ida ne’e no kontinua nafatin ejerse funsaun nudar mákina estadu.

“Nu’udar uma nain ba enkontru GJPRU ba dala 10 ne’e ami (Ministériu Planu no Finansas) prepara tiha ona materia balun sai hanesan pontus diskusaun atu nune’e sai melhora liu tan profesionalismu ita nia badaen ba futuru oin mai,” haktuir Martinho Lopes.

Nune’e mos Koordenadora GJPRU, Domingas da Silva husu ba Komisaun Funsaun Públika atu valoriza servisu ne’ebé membru GJPRU sira nian hodi hetan netik sertifikadu ruma.

“Ami iha rekomendasaun ba Sua Exlencia (Dr. Faustino Cardoso) katak, presiza valoriza kna’ar ne’ebé membru GJPRU kontribui ona ba Komisaun Funsaun Públika mak sertifikadu tanba GJPRU ne’e forma iha 2011, maibé ate a data Komisaun Funsaun Públika seidauk valoriza kontribusaun tomak ne’ebé GJPRU fo ona,” katak Koordenadora GJPRU ne’e.