• Enkontru Konseilu Konsultativu Ministériu Planu no Finansas.

Home » Announcements » Enkontru Konseilu Konsultativu Ministériu Planu no Finansas. Print Page

Enkontru Konseilu Konsultativu Ministériu Planu no Finansas.

Enckontru_Konsultivu_Ministerio_PlanonoFinancas

Hodi bele assegura servisu nomós atu kanaliza informasaun ba malun husi atividades hotu n’ebé mak hala’o tiha ona inklui liña kordenasaun entre diresaun no unidade hotu ne’ebé tutela iha Ministériu Planu no Finansas, Ministru Planu no Finansas, Rui A. Gomes akompaña husi Vise-Ministra Planu no Finansas, Sara Lobo Brites, realiza enkontru Konseilu Konsultativu Ministériu Planu no Finansas (KKMPF) iha Auditoria Ministériu Planu no Finansas, 17 Novembru 2017. Asuntu prioridades ne’ebé fo sai durante enkontru ne’e mak Orsamentu Retifikativu no Pagamentu ein atrazus inklui asuntu kordenasaun sira seluk.

Ministru Planu no Finansas iha ninia intervensaun durante enkontru akresenta pontus prioridades balun em relasaun ho servisu funsionariu hirak ne’ebé mak servisu durante preparasaun orsamentu retifikativu 2017. Tuir Ministru Planu no Finansas katak Konseilu de Ministru aprova tiha ona Dekretu Governu kona-ba subsidiu insentivu ba funsionariu ne’ebé mak servisu durante preparasaun Orsamentu Retifikativu nomós taka konta Jeral Estadu Tinan 2017 nian.

Iha parte seluk, Ministru mos husu ba funsionariu sira atu bele konsidera aspeito sizilu ou segredu estadu nian ne’ebé haktuir husi estatutu funsaun públika nian artigu 40 molok atu koalia ba públiku. “Buat hotu ne’ebé atu informa sai ba liur tenki liu husi aprovasaun Ministru ka Vise-Ministra” deklara Rui A Gomes, Ministru Planu no Finansas.

Enkontru Konseilu Konsultativu Ministeriu Planu no Finansas nudar eventos sorumutu mensal entre jestor sira husi kada diresaun no unidade hotu ne’ebé tutela iha Ministériu Planu no Finansas hodi koalia kona-ba eventu hirak ne’ebé hala’o tiha ona inklui mós liña kordenasaun entre diresaun no unidade hotu.