• Espesialista Jestaun Finanseira, Sanjay Vani Sei Hala’o Vizita Traballu Mai Timor-Leste

Home » Anúnsiu » Espesialista Jestaun Finanseira, Sanjay Vani Sei Hala’o Vizita Traballu Mai Timor-Leste Imprime pájina

Espesialista Jestaun Finanseira, Sanjay Vani Sei Hala’o Vizita Traballu Mai Timor-Leste

Espesialista Jestaun Finanseira

Sanjay Vani, espesialista iha área Jestaun Finanseira no peritu Governansa Global ba rejiaun Azia Leste no Pasifiku sei halo nia vizita durante semana rua mai Timor-Leste hahu’u hosi 23 Jullu 2019 no sei remata iha loron 2 Agostu 2019.

Koordenador Interinu, Gabineti Planeamentu Orsamentu no Avaliasaun Dezempeñu, Ministériu Finansas, Alberto Alves Piedade iha ninia servisu fain hateten katak, iha vizita ne’e Sanjay Vani sei hasoru malu ho Diresaun no Unidade ne’ebé maka involve iha avaliasaun ba Public Expenditure and Financial Accountability (PEFA) Ministériu Finansas nian hodi hare’e fila-fali rezultadu avaliasaun PEFA ninian.

“Durante vizita sema rua, Sanjay sei hasoru malun ho Vise Ministra Finansas, atu bele fó mós hanoin ruma oinsa maka Ministériu Finansas bele foti asaun hodi jere refoma tuir planu ne’ebé maka Ministériu Finansas trasa ona”. Informa Alberto Alves Piedade iha nia servisu fatin Ministériu Finansas, loron 19 Jullu 2019.

Sanjay Vani nu’udar espesialista ne’ebé iha esperensia tékniku no jestaun kuaze tinan 35, iha área auditoria no Jestaun Finansas Publikas, hetan ona susesu iha nasaun balun hanesan Azia Leste, Sentral, Sul Azia Pasifiku, Europa inklui Afrika kona-ba implementasan reforma Jestaun Finansas Públikas.