• Ezekusaun DOT Fulan-Fevereiru Atinzi 44.3 Pursentu

Home » Announcements » Ezekusaun DOT Fulan-Fevereiru Atinzi 44.3 Pursentu Print Page

Ezekusaun DOT Fulan-Fevereiru Atinzi 44.3 Pursentu

20200310_Ezekusaun DOT Fulan-Fevereiru Atinzi 44 3 Pursentu - Edited by DGuterres Final

Ministériu Fiansasas, Loron 10 Fulan-Marsu 2020- Dotasaun Orsamentál Temporária (DOT) Fulan-Fevereiru 2020 ho montante $ 116,449.05, Governu konsege ezekuta 44.3 Pursentu.

Tuir Diretór Jerál Tezouru Ministériu Finansas Rui Magno hateten dadus ne’ebé agora iha DOT Fulan-Fevereiru nian ita konsege ezekuta 44.3 pursentu. Husi totál orsamentu DOT ba Fulan-Fevereiru nian ho montante $ 116,449.05 ne’ebé maka hanesan ho Fulan-Janeiru nian. Haree husi ezekusaun orasamentu pur-kategoria kapitál dezenvolvimentu maka nia ezekusaun ki’ik. Ida ne’e ita bo’ot sira hatene katak, iha kategoria ida ne’e ita ezekuta la’os hanesan saláriu fulan-fulan ita selu de’it. Maibé ita iha prosesu lubuk ida maka ita tenki liu husi prosesu aprovizionamentu.

“Dentru DOT ne’e difisil lós ba liña ministériu sira atu ezekuta, tanba ne’e maka nia persentajem kikuan”, informa Diretór Jerál Tezouru Ministériu Finansas Rui Magno.

Dotasaun Orsamentál Temporária (DOT) ba Fulan-Fevereiru nian ne’ebé aprova pur-kategoria maka hanesan Saláriu & Vensimentu $ 17,895.03, Beins Servisu $ 38,331.08, Kapitál Minor $ 0.00, Transferensia Publika $ 26,589.16, Kapitál Dezenvolvimentu $ 33,391.01 no Despezas Kontijensia $ 242,77”.

“Ezekusaun poder tomak ami Ministériu Finansas delega ona ba Ministériu ida-idak no ajénsia autónomas no munisipiu sira. Sira maka iha kompentensia tomak atu ezekuta sira nia orsamentu. Tezouru so-simu de’it nia pagamentu husi liña ministériu sira”, reforsa Diretór Jerál Tezouru Ministériu Finansas Rui Magno.

Hatan kona-ba ezekusaun tu’un kompara Fulan-Janeiru no Fevereiru nian, Diretór ne’e esplika katak, razaun ezekusan tu’un, ami seidauk kontaktu liña ministériu sira atu konfirma. Maibé saida maka ami nota hela iha inisiu Janeiru ne’e iha dívidas barak hosi tinan anteriór ne’ebé sasan sira ita simu ona maibé ita la konsege selu hanesan exemplu montante ita selu Mina ba Jeradór nomós ho nia montante bo’ot no sira seluk.

Atu remata Diretor ne’e reforsa tan katak, ita bo’ot sira tenki hatene Janeiru ne’e nia loron ne’e barak liu no Fulan-Feveruari ne’e nia loron 29 de’it no ida ne’e mós tenki kontribui ba nia ezekusaun tun”.