• Ezekusaun OJE tinan 2020 Presiza Esforsu Ministériu Ida-Idak

Home » Announcements » Ezekusaun OJE tinan 2020 Presiza Esforsu Ministériu Ida-Idak Print Page

Ezekusaun OJE tinan 2020 Presiza Esforsu Ministériu Ida-Idak

Ministériu Finansas (MF) hanesan Ministériu sentrál nafatin fó apoiu tomak no garantia sistema ba Ministériu sira maibe Ezekusaun Orsamentu Jerál Estadu tinan 2020 tenki esforsu Ministériu ida-idak nian.

“Ezekusaun tenki mai husi kada Ministériu  hahu husi Prezidenti Republika no fundus autónomas sira. Sistema ita garantia fó apoiu tomak maibe presiza mós esforsu husi Ministériu ida-idak ba ezekusaun”, Informa Ministra Finansas Interina i Atuál Vise-Ministra Finansas Sara Lobo Brites iha Palasiu Governu hafoin enkontru semenál ho Primeiru Minsitru Taur Matan Ruak iha loron 23 fulan-Novembru tinan 2020.

Iha fulan-Novembru ikus, ita bele iha progresu husi 50% entaun ita kalklu to iha fulan-Dezembru maizoumenus 80% sira ne’e ita bele assegura, maibe liuhusi ida ne’e presiza esforsu kada Ministériu.

“Ezekusaun Covid-19 mós kontribuisaun ezekusan enjerál pagamentu ba uma kain sira ne’ebé maka seidauk simu no nia prosesu la’o hela ona. Sesta bazika iha kampu nia distribuisaun la’o hela soke afetasaun ba Orsamentu seidauk iha progresu, tanba Minsitériu relevante sei halo preparativus para bele hodi insera iha sistema”, esplika Ministra Finansas Interina i Atuál Vise-Ministra Finansas Sara Lobo Brites.

Tambá ne’e presiza de’it tempu husi Ministériu sira nai parte prepara hotu relatóriu ba Sekertariadu Fundu Covid-19 para bele posting ka ensera iha sistema. Pur-enkuantu la iha progresu ne’ebé maka signifikativu durante fulan-Novembru nia laran, espera katak iha fulan-Dezembru bele aselera. REMATA