• Ezekusaun Reál OJE 2021 iha Trimestre Dahaat Atinji 73% – Segundo Melhor desde 2016

Home » Announcements » Ezekusaun Reál OJE 2021 iha Trimestre Dahaat Atinji 73% – Segundo Melhor desde 2016 Print Page

Ezekusaun Reál OJE 2021 iha Trimestre Dahaat Atinji 73% – Segundo Melhor desde 2016

Díli, 3 Janeiru 2022 – Taxa ezekusaun reál OJE 2021 ba Governu Sentrál to’o iha sesta-feira, 31 Dezembru 2021, atinji billiaun $1,4 ka 73% husi totál OJE Retifikativu billiaun $2,1.

Taxa ezekusaun ne’e mak segundu melhor desde tinan 2016 maske iha tinan kotuk, Timor-Leste aplika restrisaun oioin (ne’ebé limita sirkulasaun ema no sásan-sira) kauza husi pandemia Covid-19 no Inundasaun.

Taxa ezekusaun reál tuir klasifikasaun ekonómiku, aas liu mak iha kategoria Transferénsia Públika millaun $654,1 ka 93,4% husi orsamentu alokadu millaun $700,4 tuir kedan ho Saláriu no Vensimentu milliaun $217,8 ka 92,8% husi orsamentu alokadu millaun $234,9. Despeza Kontijensia konsege ezekuta millaun $9,2 ka 86,1% husi orsamentu alokadu millaun $10,7. Bens no Servisus ezekuta millaun $402,4 ka 69,1% husi orsamentu alokadu millaun $582,5. Kapitál Menor ezekuta millaun $43,8 ka 68,6% husi totál orsamentu alokadu millaun $63,8. Enkuantu Kapital Dezenvolvimentu ezekuta de’it millaun $90,3 ka 26,6% husi orsamentu alokadu millaun $340,1.

 

𝐄𝐳𝐞𝐤𝐮𝐬𝐚𝐮𝐧 𝐎𝐉𝐄 𝟐𝟎𝟐𝟏 𝐑𝐀𝐄𝐎𝐀

Taxa ezekusaun reál OJE 2021 ba RAEOA to’o iha sesta-feira, 31 Dezembru 2021, atinji de’it millaun $25,2 ka 26% husi totál orsamentu alokadu millaun $97,7.

Taxa ezekusaun reál tuir klasifikasaun ekonómiku, aas liu mak iha kategoria Saláriu no Vensimentu millaun $8,4 ka 76,5% husi orsamentu alokadu millaun $11,1. Bens no Servisus ezekuta millaun $9,6 ka 41,7% husi orsamentu alokadu millaun $22,9. Transferénsia Públika ezekuta millaun $1,5 ka 40,1% husi orsamentu alokadu millaun $3,7. Kapitál Menor ezekuta $374,5 mil ka 10,2% husi totál orsamentu alokadu millaun $3,6. Kapital Dezenvolvimentu ezekuta de’it millaun $5,2 ka 9,3% husi orsamentu alokadu millaun $56,3.

 

𝐄𝐳𝐞𝐤𝐮𝐬𝐚𝐮𝐧 𝐎𝐉𝐄 𝟐𝟎𝟐𝟏 (𝐆𝐨𝐯𝐞𝐫𝐧𝐮 𝐒𝐞𝐧𝐭𝐫𝐚́𝐥 𝐧𝐨 𝐑𝐀𝐄𝐎𝐀)

Taxa ezekusaun reál OJE 2021 ba Governu Sentrál no RAEOA to’o iha sesta-feira, 31 Dezembru 2021, atinji billiaun $1,4 ka 71% husi totál OJE Retifikativu billiaun $2,1.

Taxa ezekusaun reál tuir klasifikasaun ekonómiku, aas liu mak iha kategoria Transferénsia Públika millaun $655,7 ka 93,1% husi orsamentu alokadu millaun $704,1. Tuir kedan ho Saláriu no Vensimentu milliaun $226,3 ka 92% husi orsamentu alokadu millaun $245,9. Despeza Kontijensia konsege ezekuta millaun $9,2 ka 86,1% husi orsamentu alokadu millaun $10,7. Bens no Servisus ezekuta millaun $412,1 ka 68,1% husi orsamentu alokadu millaun $605,5. Kapitál Menor ezekuta millaun $44,1 ka 65,4% husi totál orsamentu alokadu millaun $67,5. Enkuantu Kapital Dezenvolvimentu ezekuta de’it millaun $95,6 ka 24,1% husi orsamentu alokadu millaun $396,4. ***