• Fámilia Boot MF Hato Benvindu Ba Ministru Rui A. Gomes

Home » Anúncios » Fámilia Boot MF Hato Benvindu Ba Ministru Rui A. Gomes Imprimir a página

Fámilia Boot MF Hato Benvindu Ba Ministru Rui A. Gomes

Fámilia Boot MF Hato Benvindu Ba Ministru Rui A. Gomes

Vise-Ministra Finansa Sara Lobo Brites lori fámila boot Ministériu Finansas nia naran hato ami nia Calorasas boas vinda no ami nia kongratulasaun ba Ministru Finansas Rui A. Gomes ne’ebé sei kontinua lidera fali distinu Ministériu Finansas to iha 2023 tuir mandatu VIII Governu nian. Iha konviktu katak, ho prezensa Ministru Finansas hanesan figura ida experiente kompetente no rekoñesidu meritu iha servisu ne’ebé presta ona ba ita nia estadu.

“Konta ho ami hotu nia apoiu tomak ba ita boot, atu ita hotu servisu hamutuk hodi hametin Ministériu Finansas ninia knar ne’ebé todan no hakotu mós impasse ne’ebé iha Ministériu Finansas nia laran”, informa Vise-Ministra Finansa Sara Lobo Brites iha Auditorium Ministériu Finansas bainhira serimonia benvindu ba Ministru Finansas, Rui A. Gomes, iha loron 23 fulan-Novembru 2020.

Importante mak durante tinan rua ho balun nia laran Ministériu Finansas labele sofre ba mudansa desnesesariu ne’ebé la’os prioridade. Maibé diak liu mak tau ita hotu nia esforsu hodi bele konklui tiha prosesu lubuk ida ne’ebé pendente hela iha tinan ida ne’e nia laran iha área oi-oin hanesa iha área Rekursu Humanus hodi bele kompleta tiha Ministériu Finansas ninian estrutura organika.

“Área reforma ne’ebé sai Ministériu Finansas  nia foku prinsipál hodi bele aumenta reseitas no jere ho efisiente rekursu finanseiru, adekuasaun reJime salariál propriu mai Ministériu Finansas hodi dignifika kuadru hotu-hotu ne’ebé involve iha Jestaun Finansas Publikas no servisu seluk tan sai prioridade ba Ministériu Finansas iha mandatu VIII Governu” esplika Vise-Ministra.

Governante ne’e mós esplika, importante liu iha semana oin assegura debate Orsamentu Jerál Estadu (OJE) tinan 2021, ita hotu fiar katak wainhira ita servisu hamutuk hodi hadia kondisoens hirak ne’e maka Ministériu Finansas sei responde diak-liu ba ejijensia husi ita nia povu no fundamentál ba prosesu dezenvolvimentu individu no koletivu ne’ebé sustentável ba Ministériu Finansas iha futuru.

Iha oportunidade ida ne’e hakarak agradese mós ba Ministru Finansas sesante Fernando Hanjam ne’ebé hamutuk ho ita iha fulan-Junhu nia rohan to ohin loron, maske la marka prezensa iha ita nia let tamba kondisaun saúde maibé lori hotu-hotu nia naran hodi agradese ba apoiu tomak durante nia prezensa hanesan Ministru Finansas. La’os hare ba durasaun tempu maibé importante liu maka legacia ne’ebé husik hela durante ita hotu nia jornada no historia iha Ministériu Finansas. REMATA