• Kona ba Komisaun Reforma Fiskal

Home » Reforma Fiscal » Kona ba Komisaun Reforma Fiskal Imprime pájina

Kona ba Komisaun Reforma Fiskal

VI Governu Konstitusional estabelese Komisaun Reforma Fiskál atu ajuda Timor-Leste hodi garante nia futuru liu hosi diversifi ka fontes reseitas ne’ebé estável. Komisaun Reforma Fiskál la’ós órgaun politiku,maibé órgaun tékniku ida. Nia iha atu serví Governu tomak no Timor-oan sira.

Fundu
Ita nia nasaun Timor-Leste dezenvolve tebes dezde Independénsia. Ita nia populasaun aumenta komparaho uluk; liu-liu foinsa’e sira ne’ebé hakarak servisu hodi kontribui ba ita nia nasaun. Ita nia ekonomia buras daudaun, no ita nia asesu ba merkadu internasionál aumenta beibeik. Empreza sira hakarak mai Timor-Leste, no nasaun seluk hakarak halo komérsiu ho ita no sosa ita nia produtu sira. Atu kontinua buras nodezenvolve, governu presiza diversifi ka nia ekonomia.

Dezde Independénsia ita nia nasaun sorte boot tanba hetan osan husi mina-rai ne’ebé ita nia governu hatene rai iha fundu mina-rai ho sabedoria nian. Fundu ne’e uza ba ita nia dezenvolvimentu. Nune’e mós uza hodi halo governasaun no fó apoiu ba ita nia veteranus no katuas ho ferik sira.

Maibe mina-rai sei la dura ba beibeik; presu mina-rai tun daudaun no Timor-Leste nia rezerva minarai loron ruma sei maran. Ne’e duni importante ita hahú aumenta reseitas doméstikas hodi uza ba administrasaun governu nian, no asegura ona osan sufisiente atu selu profesór, médiku, ofi sial polísia, no soldadu sira no mós servisu importante seluk-seluk tan.

Governu tenke buka fontes alternativa seluk hodi aumenta reseita doméstiku hodi selu kustu atu administra governu no nasaun ne’e. Governu mós presiza iha serteza katak fundu mina-rai ne’e sei dura ba tempu naruk. Ida ne’e halo liu hosi investe iha setór ekonomia oin-oin ne’ebé iha poténsial boot,hanesan floresta, peska, turízmu, minerais, agrikultura no indústria.
Governu labele hein to’o mina-rai maran maka foin halo mudansa ho investimentu hirak ne’e. Tenke hola asaun agora! Tanba ne’e mak Governu hala’o hela programa reforma fiskál, hanesan inisiativa nasional ida, ne’ebé hetan aprovasaun husi parlamentu.