• Funsionáriu MPF Labele Influensiadu ba Situasaun Polítika Rai Laran.

Home » Announcements » Funsionáriu MPF Labele Influensiadu ba Situasaun Polítika Rai Laran. Print Page

Funsionáriu MPF Labele Influensiadu ba Situasaun Polítika Rai Laran.

Januario da Gama, Diretór Jerál Finansa Estadu, Ministériu Planu no Finansas (MPF) husu ba funsionáriu públiku MPF atu labele influensiadu ba situasaun polítika rai laran, tanba ita mai ho prinsípiu ida katak ita hotu mai hanesan funsionáriu públiku ka funsionáriu estadu. Lia hirak ne’e hato’o iha nia diskursu wainhira lidera seremónia Icár Bandeira iha resinto Torre Ministériu Planu e Finansas, Aitarak Laran, 4 Dezembru 2017.

Tuir lolos Içar Bandeira Lidera husi S.E. Senhor Ministru Planu no Finansas no Sra Vice-Ministra Planu no Finasas maibé, tanba iha aktividade importante seluk ho nune’e labele marka prezensa iha seremónia ne’e, katak Januario.

Iha nia diskursu, Diretór Jeral ne’e hato’o hela mensajem tolu husi Ministru no Vice-Ministra, mak hanesan:

• Hakarak agradese ba Autoridade Aduaneria ba preparasaun no organizasaun seremónia Icár Bandeira ne’e. Ita hotu konsidera seremónia Icár Bandeira ohin hanesan seremónia ikus liu, husi tinan 2017 ninian, ne’ebé ita hotu observa katak, tinan ida tomak Ministériu Planu no Finansas no Autoridade Nacional Petrolíferu Minarai iha ambiente servisu ida ke diak teb-tebes no hatudu ita nia profesionalismu no ita nia integridade hanesan funsionáriu públiku ka funsionáriu estadu hodi serbi rai ne’e no ita nia komunidade.

• Atu ita hotu kontinua mantein servisu ho professional no hatudu nafatin ita nia espíritu méritu no integridade relativamente ho ita hotu nia akompañamentu ba situasaun polítika iha rai laran ninian. Nune’e husu ba ita hotu atu labele influensiadu husi situasaun sira ne’e tanba ita mai ho prinsípiu ida katak ita hotu mai hanesan funsionariu públiku kafunsionariu estadu. Maske governu troka kada tinan 5 maibé, ita hanesan funsionáriu públiku ka funsionáriu estadu e estadu ne’e estadu permanente no estadu definitivu, ita funsionáriu públiku permanente no funsionáriu definitivu. Tanba ne’e nafatin fo an, fo kontribuisaun tomak, dedikasaun tomak ba iha dezenvolvimentu instituisaun ida ne’e nian hodi kontribui ba dezenvolvimentu ne’ebe ita tau ona iha Planu estratégiku dezenvolvimentu nasional ninian.

• Ita sei iha selebrasaun loron bo’ot natal no ano novo ne’ebé fo ona orientasaun ba Diresaun Jerál Servisus Korporativus atu bele organiza hanesan reuniaun ka avaliasaun jerál funsionariu Ministériu Planu no Finansas. Iha selebrasaun loron natal no ano novo ne’e sei hato’o agradesementu no apresiasaun ba ita hotu hanesan funsionariu iha Ministériu Planu no Finansas hodi kontinua banati tuir prosedimentu no regras sira ne’ebé estabelesidu tiha ona no kontinua mantein no promove dezenpeñu ne’ebé ita iha ona iha tinan sira tuir mai.