• Governu Aprezenta Ona Proposta Orsamentu Jerál Estadu tinan 2020 ba Parlamentu Nasionál

Home » Announcements » Governu Aprezenta Ona Proposta Orsamentu Jerál Estadu tinan 2020 ba Parlamentu Nasionál Print Page

Governu Aprezenta Ona Proposta Orsamentu Jerál Estadu tinan 2020 ba Parlamentu Nasionál

Parlamentu Nasionál Loron 15 fulan-Setembru tinan 2020- Governu Liu-husi Vise-Ministra Finansas, Sara Lobo Brites no Ministériu Asuntu Parlamentar no Komunikasaun Sosiál, Francisco Martins da Costa Pereira Jerónimo, aprezenta ona Proposta Orsamentu Jerál Estadu tinan 2020 ho montante bilaun 1,497.1 dolár amerikanu, ba iha Parlamentu Nasionál hodi bele kumpri kalendáriu tuir rekejitus legais.

Tuir Vise-Ministra Finansas Sara Lobo Brites, hateten Primeiru Governu kumpri duni ninia obrigasaun atu aprezenta Proposta Orsamentu Jerál Estadu tinan 2020 tuir kalendáriu hodi kumpri rekejitus legais. Segundu submisaun ida ne’e Governu mai ho dokumentus ne’ebé kumpletu komesa husi Proposta Lei, espozisaun motivu i justifikasaun no sertifikadu ba levantamentu husi Rendimentu Suntentável Estimadu (RSE), i liu husi RSE ho nia dokumentus suplementária sira hotu. Terseiru pedidu urjénsia tanba ita prepara Orsamentu rua, ita presiza halo lalais Orsamentu tinan 2020 para bele tama iha vigor ho nune’e ita bele iha biban ba ezekuta iha fulan rua nian laran.

“Kona-ba montante Orsamentu Jerál Estadu tinan 2020 totál bilaun 1,497.1 dolár amerikanu, se ita adisiona ho apoiu husi parseiru dezenvolvimentu, signifika katak sira promete halo sira nia komprimisiu maibé la enkuadra iha ita nia Orsamentu, ita mós adisiona ho parseiru dezenvolvimentu ninia apoiu ne’ebé maka purvolta millaun 184.0 dolár amerikanu nia totál OJE mak bilaun 1,681.1 dolar amerikanu” informa Vise-Ministra Finansas Sara Lobo Brites.

Orsamentu Jerál Estadu tinan 2020 bainhira ita fahe ba ninia kategoria mak hanesan, Salariu & Vensimentu, millaun 206.7 dolár amerikanu, Beins i Servisus, millaun 499.3 dolár amerikanu, Transferensia Públika, millaun 568.7 dolár amerikanu, Kapitál Minor, millaun 8.9 dolár amerikanu i Kapital Dezenvolvimentu (inkl. Empréstimu), millaun 213.4 dolár amerikanu.

Governante ne’e esplika, OJE 2020 ninia prioridades, Há’u hanoin ita hotu-hotu akompaña tinan 2020 ita mai ho duadesimu ida ne’ebé prolongadu to’o fulan-Outobru, bainhira Orsamentu ne’e aprova karik ita sei ezekuta de’it iha fulan-Novembru no fulan-Dezembru nia laran. Entaun ninia prioridade depois ita infrenta Covid-19 ho situasaun ekonómia rai laran ita foka nafatin ba prioridade tolu.

“Primeiru estabilizasaun setór sosiál, segundu estabilizasaun iha setór ekonómiku i Governu kontinua promove reformas iha administrasaun públika, terseiru reforma iha ekonómia nomós iha jestaun finansas publikas”, tenik Vise-Ministra Finansas, Sara Lobo Brites.

Tamba ne’e ita atu dehan fulan rua la tó para ita halo buat barak maibé ita tau prioridade de’it iha parte balun.

Vise-Ministra Finansas Sara Lobo Brites, hatutan tan katak durante períodu duodésimu ita halo ona trasferénsia dala rua. Trasferénsia ida ne’e ita halo kalklu ba montante ne’ebé maka fó dalan husi Parlamentu 3% husi Rendimentu Sustentável Estimadu (RSE). Iha aprezentasaun OJE tinan 2020 ita enkuadra hotu levantamentu ne’ebé akontese tiha ona, Ita mós presiza finansia nia defisit ba OJE tinan 2020 nian. RSE ba iha tinan 2020 millaun 544.4 dolár amerikanu i levantamentu ba esesu millaun 419.5 dolár amerikanu.