• Governu Aprova Rejime Tarefa Ba Utilizasaun Hosi Portu Tibar no Servisu Asosiadu

Home » Announcements » Governu Aprova Rejime Tarefa Ba Utilizasaun Hosi Portu Tibar no Servisu Asosiadu Print Page

Governu Aprova Rejime Tarefa Ba Utilizasaun Hosi Portu Tibar no Servisu Asosiadu

Governu Liu husi enkontru Konsellu dos Ministrus extraordinariu aprova ona rejime tarefa ba utilizasaun hosi Portu Tibar no Servisu Asosiadu. Enkontru ne’e hala’o iha Palasiu Governu, Loron 27 Fulan-Fevereiru 2020.

Tuir Ministru da Reforma Legislativa e Asuntus Parlamentares (MRLAP) Fidelis Leite Magalhães hateten, Konsellu Ministru hala’o enkontru iha Palasiu do Governu ohin aprova ona projetu rezolusaun governu ne’ebé aprezenta hosi Ministra Finansas Em Ezersisiu i Atual Vise Ministra Finansas Sara Lobo Brites kona-ba rejime terefa ba utilizasaun hosi Portu Tibar no servisu asosiadu. Governu mai ho forma ida ne’e prosede ba aprovasaun lista tarefa suplementár no akordu ba montante entre estadu no konsesionáriu sira para atu bele publika iha Jornál da Repúblika.

Ministra Finansas En Ezersisiu i Atual Vise Ministra Finansas Sara Lobo Brites hatete katak “Kona-ba lista integrál hosi tarefa prinsipál no suplementár ho forma atu bele prosede kobransa ba tarefa hahú hosi inisiu ba periodu operasaun iha portu Tibar”.

Hanesan governante ne’e mós informa, Konsellu Ministru mós aprova ona projetu deliberasaun kona-ba utilizasaun hosi imprestimu konsensionál IDA 18 hosi Banku Mundiál.

“Imprestimu konsensionál ne’e sei utiliza ba projetu Bee no Saniamentu iha Munisipiu Baucau no fortalesimentu ensinu báziku iha Timor-Leste”.