• Governu Hahú Debate Jeneralidade Proposta OJE 2020 Iha PN

Home » Anúnsiu » Governu Hahú Debate Jeneralidade Proposta OJE 2020 Iha PN Imprime pájina

Governu Hahú Debate Jeneralidade Proposta OJE 2020 Iha PN

20191204_Governu Hahu Diskuti Jeneralidade Proposta OJE 2020 Iha PN (2)

Ministra Finansas Em Ezersisiu i Vise Ministra Finansas Sara Lobo Brites akompaña Primeiru Ministru Taur Matan Ruak iha loron 2 fulan Dezembru 2019 hahu debate Jeneralidade proposta lei Orsamentu Jerál Estadu (OJE) tinan 2020 iha parlamentu nasionál ho ambitu apresiasaun no debate.

Proposta Orsamentu Jeral Estadu tinan 2020 ho despezas públikus estimadu USD $ 1.950 miliaun. Ne’ebé maka fahe ba rubrika sira henesan Saláriu i Vensimentu $241,271, Bens i Servisus $727,587, Transferensia Públikas $ 467,773, Kapitál Minór $ 53,167 no Kapitál Dezenvolvimentu $ 458,202.

OJE nian hanesan instrumentu prinsipál ba implementasaun medida no polítika públika sira ne’ebé sei sai matadalan ba governasaun tinan oin mai. Ne’ebé hakarak fó kontinuidade ba prosesu harii País ho Rendimentu-Médiu-Aas ida, tuir Planu Estratéjiku Dezenvolvimentu 2011-2030 nian. Tuir ita-nia Programa Governu nian ne’ebé diskute no aprova iha Kámara Parlamentár ida-ne’e hodi kumpre kompromisu sira ne’ebé asume ona ba ita-nia sidadaun sira no ba rain ida-ne’e.

Premiti Governu ida-ne’e hodi fó onra ba nia konpremisu ida-ne’ebé firmi atu kontinua servisu hodi hamenus Taxa-Dezempregu (Sai nu’udár dezastre sosiál ida, liu-liu ba ita nia populasaun foin sa’e). Liuhosi investimentu ne’ebé propoin ona iha OJE mak hanesan liuhosi Edukasaun, Formasaun, Kapasitasaun, Abilitasaun tékniku profesionál ba ita nia rekursu umanus Timoroan sira.

Estadu sai nu’udár prinsipál motor ba kresimentu dezenvolvimentu ekonómiku sai mós responsabilidade prinsipál garantia justisa no inkluzaun, páz no justisa protesaun sosiál ba grupu vulneravel sira, moris di’ak kualidade vida ita-nia povu Timor nian igualidade ba oportunidade no igualidade ba jéneru.

Governu labele ignora nia obrigasaun hodi fó kontinuidade Ezekusaun Planu Dezenvolvimentu 2011-2030 no roteiru 2030 atu implementa objetivu dezenvolvimentu sustentavel.

Governu defini ona estratéjia ida-ne’ebé hatur iha liña orentasaun orsamentál lima promosaun moris di’ak sosiál no sidadaun, investimentu ekonómia no investimentu reforma finansas públikas, hadia konektividade nasionál, konsolidasaun no reforsa defeza, seguransa no relasaun esterna, konsolidasaun no reforsa justisa no demokrásia no diretus umanus.

Iha ambitu diskusaun jeneralidade proposta orsamentu jerál estadu 2020 hahú primeiru ho ezekusaun Hino Nasionál Patria-Patria no kontinua kedas ho anúnsiu ba sub-tituisaun ba Saudozo Deputadu Gilman Assunção Exposto dos Santos Deputado Francisco David Xavier Carlos, husi Bankada UDT/FM.

Hafoin halo sub-tituisaun plenária halo apresiasaun no aprovasaun ba giaun ho Votus Afabor 36, Votus Kontra 16 no Apstensaun 4. Hafoin ida-ne’e Prezidente Parlamentu Nasionál Arão Noé de Jesus da Costa Amaral, fó tempu ba Primeiru Ministru Taur Matan Ruak hodi hato’o aprezentasaun ba proporta OJE 2020 no kontinua aprezentasaun pareser hosi komisaun C ne’ebé trata asuntus Finansas Públikas.